Struggle Story / ફેલ થવા પર જ્યારે જીતુ ભૈયા પ્રોફેસર પાસે જઇને રોયા હતા, બાદમાં જે થયુ...

• જીતેન્દ્ર કુમારને જીતુ બનતા લાગ્યા 8 વર્ષ
• પંચાયત સિરીઝથી મળી ખૂબ સફળતા 
• ફેલ થવા પર રોવા લાગ્યા હતા જીતુ ભૈયા

જીતેન્દ્ર કુમાર આમ તો જાણીતુ નામ છે, કોટા ફેક્ટ્રી ફેમ જીતેન્દ્ર કુમારને જીતુ ભૈયા બનતા 8 વર્ષ લાગ્યા. 8 વર્ષનો સંઘર્ષ હવે જીતુ ભૈયાને બધાની સામે એક અદભૂત કલાકાર તરીકે લઇ આવ્યો છે. કોટામાં 11 અને 12નું બે વર્ષનું કોચિંગ કરીને તે IIT ખડગપૂર ચાલ્યા ગયા. એન્જીનીયરિંગમાં તે એક વાર ફેલ પણ થઇ ગયા. તે પ્રોફેસર પાસે જઇને જોર જોરથી રોવા લાગ્યા. 

એક ઇન્ટરવ્યૂ દરમિયાન જીતેન્દ્ર કુમારે જણાવ્યું હતુ કે, એન્જીનીયરિંગમાં કોઇએ તેમને કહ્યં હતું કે જો કોઇ વિદ્યાર્થી એક વિષયમાં ફેલ થાય અને પ્રોફેસર પાસે જઇને રોવે તો તેને પાસ કરી દેવામાં આવે છે માટે તેમણે આ કામ કર્યુ હતું. 

જીતુએ જ્યારે પ્રોફેસરને બધી વાત કરી ત્યારે પ્રોફેસરે કહ્યું હવે કંઇ ન થઇ શકે, સિક્યોરીટીને બોલાવીને તેમને બહાર કાઢી દેવામાં આવ્યા હતા. જ્યારે તે તેમના મિત્રો પાસે ગયા અને આ વાત કહી તો તે લોકોએ તેની ખુબ મશ્કરી કરી હતી. 

જીતુને ખડગપૂરમાં જ એક્ટિંગમાં રસ જાગ્યો હતો. 2013માં તે TVF સાથે જોડાઇ ગયા અને તેમના ટેલેન્ટના કારણે તે ઘણી ફિલ્મો અને વેબ સિરીઝનો હિસ્સો બન્યા. કોટા ફેક્ટ્રી બાદ તેની પહેલી ફિલ્મ ગોન કેશ રિલીઝ થઇ જેમાં શ્વેતા ત્રિપાઠી મુખ્ય ભૂમિકામાં હતી. બાદમાં તેની ફિલ્મ શુભ મંગલ જ્યાદા સાવધાન રિલીઝ થઇ. જીતેન્દ્ર કુમારે પંચાયત વૅબ સિરીઝથી પણ ખૂબ નામ કમાયુ, આ સિરીઝની બીજી સિઝન તૈયાર થઇ રહી છે, જલ્દી જ તેનુ શૂટિંગ શરૂ થઇ જશે.