કોમેડી સર્કસ એક એવો શૉ હતો જેમાં ક્રૃષ્ણા-સુદેશની જોડીએ ધૂમ મચાવી હતી. કપિલ શર્મા સાથે એક જ સ્ટેજ શૅર કરતા સુદેશ લહેરીએ ફિલ્મોમાં ગોવિંદા, સલમાન જેવા દિગ્ગજો સાથે કામ કર્યું છે પરંતુ ટીવી અને ફિલ્મો સુધીનો પ્રવાસ તેમના માટે ઘણો જ કઠિન રહ્યો છે. એક સમય હતો જ્યારે સુદેશના ઘરમાં એક સમયનુ જમવાનુ કેવી રીતે થશે તે પણ પ્રશ્ન હતો.
કૃષ્ણા અભિષેક સાથે હતી સુપરહિટ જોડી
કપિલ અને સુદેશ એક જ શૉમાં હતા ફાઇનલિસ્ટ
સુદેશ લહેરી આજે છે કરોડોનો માલિક
એક ઇન્ટરવ્યૂમાં સુદેશે જણાવ્યું કે, રસોડામાં જમવા માટે કંઇ નહોતુ, શાક પણ નહી. ત્યારે પાણીમાં મીઠુ નાંખીને તેમાં રોટલી ડૂબાડીને ખાતા હતા. એક વાર સુદેશ ખુબ બિમાર થઇ ગયા ત્યારે ખૂબ મુશ્કેલીથી તેમના માતા-પિતાએ સુદેશનો ઇલાજ કરાવ્યો હતો. સુદેશના ઘરમાં ઘણા બધા એવોર્ડ્સ હતા અને એ જ એવોર્ડ્સ વેચીને તે તેમનુ ગુજરાન ચલાવતા હતા.
સુદેશ લહેરીની આ સ્ટ્રગલ ચાલી જ રહી હતી ત્યારે તેમની લાઇફમાં લોફ્ટર શૉ આવ્યો અને તેમની જીંદગી બદલાઇ ગઇ. પહેલા તેમને નાનુ મોટુ કામ મળતુ હતુ પરંતુ તેમને એક શૉમાં કામ કરવાનો મોકો મળ્યો જેનુ નામ હતુ આલ્ફા ગાડી. આ શૉ ઘણો જ પોપ્યુલર થયો હતો.
સુદેશની લાઇફમાં સ્ટેન્ડઅપ કોમેડીએ એન્ટ્રી મારી અને તે સિલેક્ટ થઇ ગયા. તેમનો મુકાબલો આ શૉમાં કપિલ શર્મા સાથે થયો હતો. કપિલે આ શૉ જીત્યો હતો અને રનર અપ સુદેશ લહેરી રહ્યાં હતા. સુદેશ આ શૉ બાદ સમગ્ર દેશમાં પ્રસિદ્ધ થઇ ચૂક્યા હતા.
બાદમાં કૃષ્ણા અભિષેક સાથે તેમની જોડીને ખુબ પસંદ કરવામાં આવતી હતી. જે બાદ સુદેશને સલમાન સાથે ફિલ્મ રેડીમાં કામ કરવાનો મોકો મળ્યો હતો. પહેલા તેમને નાનો રોલ આપવાના હતા પરંતુ સુદેશનુ ટેલેન્ટ જોયા બાદ તેમને રેડીમાં સારો એવો રોલ ઑફર કરવામાં આવ્યો. તેમની લાઇફ આ ફિલ્મ બાદ બદલાઇ ગઇ હતી.