ગુજરાતમાં વિધાનસભા ચૂંટણીને લઈ હવે રાજકીય પક્ષોના ઉમેદવારો ચૂંટણી પ્રચારમાં લાગી ગયા છે. તેવામાં હવે અમદાવાદમાં એક અનોખો વિડીયો સામે આવ્યો છે. વાત જાણે એમ છે કે, ગોમતીપુર વોર્ડમાં ભાજપ-કોંગ્રેસના કાર્યકરો પ્રચારમાં એક જ જગ્યાએ જોવા મળ્યા હતા. જ્યાં કોંગ્રેસના કાર્યકરોએ ભાજપ ઉમેદવારનું પ્રચાર સાહિત્ય પોતાના હાથમાં લઈ જગદીશભાઈ તુમ આગે બઢો હમ તુમ્હારે સાથ હૈ નારા લગાવ્યા હોવાનો વિડીયો વાયરલ થયો છે.
અમદાવાદના ગોમતીપુર વોર્ડમાં આજે ચૂંટણી પ્રચાર દરમ્યાન એક અનોખા દ્રશ્યો જોવા મળ્યા છે. આજે ભાજપના ઉમેદવાર જગદીશ વિશ્વકર્મા પોતાના કાર્યકરો સાથે ગોમતીપુર વોર્ડમાં ચૂંટણી પ્રચાર કરી રહ્યા હતા. આ દરમ્યાન સામેથી કોંગ્રેસના કાર્યકરો પણ આવતા હોય તેમણે મળી જગદીશભાઈએ પોતાનું પ્રચાર સાહિત્ય આપ્યું હતું. જે બાદમાં હાજર કાર્યકરોએ જગદીશભાઈ તુમ આગે બઢો હમ તુમ્હારે સાથ હૈ ના નારા લગાવ્યા હતા. જોકે આ ઘટનાનો વિડીયો હાલ સોશિયલ મીડિયામાં વાયરલ થઈ રહ્યો છે.