ઇન્ટરનેટ મિડીયા પ્લેટફોર્મ્સ પર કાયદો બનાવવાની માગ કરવામાં આવી છે. ફેસબૂક, ઇન્સ્ટાગ્રામ, વૉટ્સઍપ જેવા સોશ્યલ મિડીયા પ્લેટફોર્મ પરથી ફેક ન્યૂઝ ફેલાય છે તેથી આ પ્રકારન નોટિસ આપવામાં આવી છે.
સોશ્યલ મિડીયાને કાબૂમાં રાખવા કાયદો
સોશ્યલ મિડીયા પરથી ફેલાય છે ફેક ન્યૂઝ
સુપ્રિક કોર્ટે આપી સરકારને નોટિસ
આ અરજી વકીલ વિનીત જીંદલે કરી છે અને કોર્ટને અનુરોધ કર્યો છે કે કેન્દ્ર સરકાર એવી કોઇ વ્યવસ્થા કરે જેથી નફરત ફેલાવનાર તત્વો હદમાં રહે અને ફેક ન્યુઝ ન ફેલાવી શકે. અરજીમાં સોશ્યલ મિડીયા પ્લેટફોર્મ પર નફરત ફેલાવનાર ખોટા ભાષણોની પણ તપાસ કરવામાં આવે તેવી માગ કરવામાં આવી છે.
પિટીશનમાં કરવામાં આવી આ દલીલ
સુપ્રીમ કોર્ટમાં કરવામાં આવેલી પિટીશનમાં કહેવામાં આવ્યું છે કે, અભિવ્યક્તિની સ્વતંત્રતા એક જટિલ અધિકાર છે. તેમાં સ્વતંત્રતાની સાથે સાથે તેની સાથે સંકળાયેલી જવાબદારી પણ નિભાવવી પડે છે. સોશ્યલ મિડીયાને લઇને અલગ અલગ દેશોમાં કાયદા છે એક વાર તેને પણ ચૅક કરવાની જરૂર છે. નાગરિકોએ તે સમજવું જોઇએ કે બોલવાની આઝાદી અને જવાબદારી વચ્ચે સંતુલન બનેલું રહે.
સોશ્યલ મિડીયાની હાનિકારક ભૂમિકા
દલીલમાં કહેવામાં આવ્યું છે કે ભારતમાં સાંપ્રદાયિક હિંસા ભડકાવવા માટે સોશ્યલ મિડીયા હાનિકારક ભૂમિકા ભજવી રહ્યું છે, હવે આ દુરુપયોગને રોકવાનો સમય આવી ગયો છે. રાષ્ટ્રીય સુરક્ષા માટે પણ સોશ્યલ મિડીયા ખતરારૂપ છે. પદાર્થોની તસ્કરી, મની લૉન્ડ્રીંગ, મૅચ ફિક્સીંગ, આતંકવાદ , અફવા વગેરે રૂપે ખતરનાક સાબિત થઇ શકે છે.