સુરતમાં એમ્બ્રોડરી કારીગરોનું પ્રદર્શન ઉગ્ર બન્યું હતું. યુનિટ બંધ કરાવતા પાંડેસરા વિસ્તારમાં કારીગરો રસ્તા પર ઉતર્યા હતા. આ દરમિયાન પોલીસ અને પ્રદર્શન કારીઓ વચ્ચે ઘર્ષણ થતા પ્રદર્શન કારીઓએ પોલીસ પર પથ્થરમારો કર્યો હતો. પોલીસની ગાડીને નિશાન બનાવતા કાચ પણ તોડયા હતા. આ દરમિયાન પોલીસે 20 જેટલા લોકોની અટકાયત કરી છે.
સુરતના પુણા વિસ્તારમાં 3 રાઉન્ડ ફાયરિંગ થયાની ઘટના સામે આવી છે. મળતી માહિતી પ્રમાણે એમ્બ્રોડરી કારીગરોએ પ્રદર્શન દરમિયાન PSIનો ઘેરાવ કરી તેની પર હુમલો કર્યો હતો અને તેમની રિવોલ્વર છીનવવાની કોશિશ કરી હતી.
આ દરમિયાન ટોળાને કાબૂમાં લેવા ત્રણ રાઉન્ડ હવામાં ફાયરિંગ કરાયું હતું. મહત્વનું છે કે રવિવારની રજાને લઈને એમ્બ્રોડરી કારીગરો વિરોધ કરી રહ્યા છે. આ દરમિયાન પોલીસ અને કારીગરો વચ્ચે ઘર્ષણ થયું હતું. જે બાદ વિફરેલા ટોળાએ પોલીસ પર પથ્થરમારો પણ કર્યો હતો.
સુરતના પુણા ખાતે એમ્બ્રોડરી કારખાનામાં રવિવારની રજા ન રાખતા કારીગરોએ તોડફોડ કરી છે. ભવાની ઈન્ડસ્ટ્રીકના મોટી સંખ્યામાં કારીગરો કારખાના બંધ કરાવવા નીકળ્યા હતા.
રવિવારની રજા ન રાખતા હોવાથી કારીગરોમાં રોષ ફેલાયો છે. કારીગરોએ બેથી ત્રણ કારખાના પર પથ્થરમારો કરી કાચ તોડયા છે. 2 હજારથી વધુ કારીગરો કારખાના બંધ કરાવવા નીકળ્યા છે. હોબાળો વધુ થતા પુણા પોલીસ ઘટનાસ્થળે પહોંચી ગઈ છે.