સરાહનીય / વાહન પર POLICE લખાણ ન હટાવતા રાજકોટ CPના મોટા આદેશ, ASI સહિત 7 પોલીસકર્મીઓ ચડયા ઝપેટે, થઈ કાર્યવાહી

• વાહન પર POLICE લખાણ ન હટાવતા કાર્યવાહી
• રાજકોટના પોલીસ કમિશનરની સરાહનિય કામગીરી
• 7 પોલીસકર્મી સામે શિસ્તભંગ બદલ પગલા 

વાહનો પર કોઇને કોઇ લખાણ લખાવવાની જાણે હવે ફેશન જ થઇ ગઇ છે. કોઇ પોતાના હોદ્દાનું નામ લખાવશે તો કોઇ કઇંક બીજુ. જો કે હવે જો તમે તમારા વાહન પર કોઇ આ પ્રકારનું લખાણ લખાવ્યુ હોય તો તેણે આજે જ કાઢી નાખજો, નહિતર મસમોટો દંડ ભરી કાઢવું તો પડશે જ. 

7 પોલીસકર્મી સામે શિસ્તભંગ બદલ પગલા 
ત્યારે આવી જ કઈંક કાર્યવાહી રાજકોટ પોલીસ ક્રમિશનર દ્વારા કરવામા આવી છે. પોલીસ કમિશનર રાજુ ભાર્ગવે POLICE લખાવનારા પોલીસકર્મીઓ સામે કાર્યવાહી કરી છે.મહિલા ASI સહિત 7 પોલીસકર્મીઓને સરકારી ક્વાર્ટર ખાલી કરવાનો આદેશ કરતાં રાજકોટ પોલીસ બેડામાં ફફડાટ વ્યાપ્યો છે.પોલીસ કમિશનરે શિસ્તભંગ બદલ કાર્યવાહીના નિર્દેશ પારિત કર્યા છે. આપને જણાવી દઈએ કએ આ પહેલા પોલીસ કમિશનરે કર્મીઑને વાહનોમાંથી POLICE લખાણ હટાવવા સૂચન કર્યું હતું પણ લખાણ ન હટાવતા ન છૂટકે કમિશનરે કડક કાર્યવાહી કરી સરકારી ઘર ખાલી કરવાના આદેશ આપી દીધા છે.

..નહીંતર દંડ ભરવા રહો તૈયાર
આપણે જોયુ છે કે વાહનના માલિકો પોતાનો હોદ્દાનું લખાણ લખાવતા હોય છે. વળી આ ઉપરાંત સ્લોગનો અને ભગવાનનનું નામ અને ફોટા પણ લગાવતા હોય છે. ઘણીવાર તો હોદ્દાનો દૂરપયોગ કરીને ટ્રાફિક પોલીસ સાથે બાખડતા પણ જોયા હશે. પરંતુ ખાનગી વાહનો પર અનઅધિકૃત લખાણો લખ્યા છે તો મસમોટો દંડ ભરવો પડશે  કારણ કે ગાંધીનગર વાહન વ્યવહાર વિભાગ દ્વારા 27 જુનથી જ મહત્વનો પરીપત્ર કરવામાં આવ્યો છે. જે પ્રમાણે  ખાનગી વાહનો પર આ પ્રકારનું કોઇ પણ સ્ટીકર કે લખાણ લખનારા લોકો પર ટ્રાફિક પોલીસની બાજ નજર રહેશે, ખાનગી વાહનો ઉપર પોલીસ, પ્રેસ કે MLA અન્ય કોઈ હોદ્દો લખેલો હશે તો પણ દંડ થશે