IPLIN
 

ફિલ્મ રિવ્યૂ / Street Dancer3Dમાં ડાંસ જોઈ રૂંવાડા ઊભા થઈ જશે, પણ ફિલ્મની સ્ટોરી અને એક્ટિંગમાં નથી દમ

Team VTV 12:45 PM, 24 Jan 20
Follow us
Street Dancer 3D Movie Review Varun Dhawan and Shraddha Kapoor

દરેક વ્યક્તિ પોતાના માટે કામ કરે છે, પરંતુ બહુ ઓછા એવા લોકો હોય છે જેઓ બીજા માટે પોતાનો પરસેવો પાડે છે અને પછી જ્યારે સફળતા મળે છે ત્યારે તેની ખુશી બમણી થઈ જાય છે. તમને ફિલ્મ સ્ટ્રીટ ડાન્સર 3ડીમાં કંઈક આવું જ જોવા મળશે. રેમો ડિસોઝાની 'સ્ટ્રીટ ડાન્સર 3D' 'એબીસીડી' ફ્રેન્ચાઈઝીની સીક્વલ છે. આ ફ્રેન્ચાઈઝીની પાછલી બે ફિલ્મો જબરદસ્ત ડાંસ જોવા મળ્યો હતો. આ વખતે પણ કોરિયાગ્રાફરમાંથી ડિરેક્ટર બનેલા રેમોએ ફિલ્મમાં જબરદસ્ત ડાન્સ બતાવ્યો છે. ફિલ્મની કહાની તેણે પોતે લખી છે.

સ્ટાર કાસ્ટઃ વરુણ ધવન, શ્રદ્ધા કપૂર, પ્રભુદેવા, અપારશક્તિ ખુરાના, નોરા ફતેહી

ડિરેક્ટરઃ રેમો ડિસોઝા

ડ્યૂરેશનઃ 2 કલાક 35 મિનિટ

મૂવી ટાઈપ: ડ્રાન્સ ડ્રામા

 
 
 
 
 
 
 
 
 
 
 
 
 

Merry Christmas 🎄 #garmi🔥🔥🔥 out tomorrow #varunxnora

A post shared by Varun Dhawan (@varundvn) on

ફિલ્મની કહાની

આ ફિલ્મની કહાની લંડનમાં વસેલાં પંજાબી ફેમિલીના એક ડાંસર સહજ (વરૂણ ધવન) અને પાકિસ્તાની ફેમિલીની ડાંસર ઈનાયત (શ્રદ્ધા કપૂર)ની છે. બંને અલગ ધર્મ, અલગ દેશના હોવાથી બંનેના બે અલગ લોકલ ડાંસિંગ ગ્રુપ (સ્ટ્રીટ ડાંસર અને રૂલ બ્રેકર્સ) હોય છે. બંને એકબીજાને પસંદ કરતાં નથી. બંને ગ્રુપ વચ્ચે અવાર-નવાર ડાંસનો મુકાબલો થતો રહે છે અને બંને ગ્રુપ એકબીજાને નીચું દેખાડવાનો એક પણ મોકો છોડતા નથી. પછી કહાનીમાં આવે છે ડાંસિંગ ચેમ્પિયન મુકાબલો 'ગ્રાઉન્ડ ઝીરો', જેને બંને ટીમ મેળવવા માંગે છે. 

 
 
 
 
 
 
 
 
 
 
 
 
 

Inayat & Sahej ✨#StreetDancer3D

A post shared by Shraddha (@shraddhakapoor) on

જ્યાં ઈનાયત આ ખિતાબ શરણાર્થીઓની મદદથી જીતવા માંગે છે અને સહજ પોતાના મોટા ભાઈ (પુનિત પાઠક)નું સપનું પૂરું કરવા આ ચેમ્પિયનશીપ જીતવા માંગે છે. પણ બીજી ટીમ પણ સ્પર્ધામાં આ બંનેને કાંટાની ટક્કર આપે છે અને તેને હરાવવા માટે આ બંને ટીમે શું કરે છે, કેવા ટ્વિસ્ટ અને સીક્રેટ્સ સામે આવે છે તેના માટે તમારે થિયેટરમાં ફિલ્મ જોવા જવી પડશે. ફિલ્મમાં બંને પાત્ર ડાંસ પાછળ ક્રેઝી બતાવ્યા છે. ફિલ્મમાં જબરદસ્ત ડાંસિંગ બતાવી છે. પ્રભુદેવા, નોરા ફતેહી, શ્રદ્ધા અને વરૂણની ડાંસિંગ તમારા રૂંવાડા ઊભા કરી દેશે. એમાં પણ 3ડી ઈફેક્ટ ફિલ્મને વધુ રોમાંચક બનાવે છે.

એક્ટિંગ 

ફિલ્મમાં વરૂણ ધવનની એક્ટિંગ કરતાં ડાંસ સારો છે. એરોગેન્ટ ગર્લના રોલમાં શ્રદ્ધાએ પાત્રને ન્યાય આપવાની કોશિશ કરી છે. પણ તેનો પણ હાલ વરૂણ જેવો જ છે. તેનો ડાંસમાં વધુ એફર્ટ દેખાય છે પણ એક્ટિંગ એટલી જામતી નથી. ફિલ્મના અન્ય સપોર્ટિંગ સ્ટાર્સ નોરા ફતેહી, સલમાન યૂસુફ ખાન, ધર્મેશ, રાઘવ, પુનીતે ડાંસિંગ સિવાય એક્ટિંગમાં પણ સારું કામ કર્યું છે. ફિલ્મનું સંગીત પણ સારું છે. 

ડિરેક્શન 

રેમો ડિસૂઝાએ ફિલ્મનું કંટેન્ટ સિંપલ રાખ્યું છે, પણ તેમાં ડાંસ, ડ્રામા અને ઈમોશનને શાનદાર રીતે રૂપેરી પરદે દર્શાવ્યું છે. સ્ક્રીનપ્લેમાં ફિલ્મ થોડી નબળી છે. ફિલ્મનું નબળુ પાસુ તેની લંબાઈ છે. ફર્સ્ટ હાફ દર્શકોને કન્ફ્યુઝ કરનારો અને સેકન્ડ હાફ નિરાશ કરનારો છે.

ઓવરઓલ

ફિલ્મમાં માત્ર ડાન્સ છે. જો તમે ડાન્સને લઈ ક્રેઝી છો તમે આ ફિલ્મ જોવા જઈ શકો છો. એબીસીડી અને એબીસીડી 2 પછી સ્ટ્રીટ ડાંસર 3ડી પણ ડાંસ લવરને ગમશે. 

street dancer 3d Movie Reviews street dancer 3d review Review Varun Dhawan shraddha kapor Bollywood ફિલ્મ રિવ્યૂ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ