વડોદરાઃ 'માઁ તે માઁ બીજા બધા વગડાના વા' આ કહેવત ખરેખર સાર્થક થઈ હોય તેમ લાગી રહ્યું છે. થોડા સમય પહેલા આ પ્રકારની ઘટના ગીર સોમનાથના જંગલોમાં જોવા મળી હતી. વડોદરાના વાઘોડિયા વિસ્તારના અંટોલી ગામમાં વર્ષ 2003માં એક ગાય પાસે દીપડાનું બચ્ચું આવ્યું હતું. આ ગાયે બચ્ચાને માતાની હુંફ આપી હતી.
શું છે સમગ્ર ઘટના?
વન્ય જીવોના અભ્યાસ કરતા લોકોને પણ ક્યારેક આશ્ચર્યમાં મુકી દે તેવી ઘટના બને છે. ગીર સોમનાથમાં સિંહ સાથે દીપડાનું બચ્ચું રમતું નજરે પડ્યું હતું. સિંહ તે બચ્ચાને રમાડતો હોય તેમ નજરે પડ્યું હતું. આ પ્રકારની ઘટના જંગલ વિસ્તારમાં થાય તે સામાન્ય વાત છે. પરંતુ વડોદરાના વાઘોડિયામાં 2003માં આ પ્રકારની રસપ્રદ ઘટના બની હતી. આ સમગ્ર ઘટનાના સાક્ષી બનેલા મનોજભાઇ આ મામલે અમને તમામ માહિતી આપી હતી. અંટોલી ગામમાં એક ગાય પાસે રોજ રાત્રીના સમયે દીપડો આવતો હતો. ગાયને વહાલ કરતો હતો આ ઘટના ગામ લોકોએ ફોરેસ્ટ વિભાગને જાણ કરી હતી. ત્યારબાદ વડોદરાના વાઈલ્ડ લાઈફ ફોટોગ્રાફર મનોજભાઈએ તેમના કેમરામાં આ હકીકતને કેદ કરી હતી. તમામ લોકોને આશ્ચર્યમાં મુકી દીધા છે.
બચ્ચાને ગાયે માતાની હુંફ આપી હતી
ગામ લોકોની ફરિયાદ બાદ મનોજભાઈ 6 મહિના સુધી અંટોલી ગામમાં ગયા હતા. તે દરમિયાન રોજ દીપડાનું બચ્ચું ગાય પાસે આવતું હતું. ગાયના ગાળામાં વીંટળાઈને ગાયને વહાલા કરતુ જોવા મળતું હતું. વાત એમ હતી કે ગાય ખેતરમાં ચરવા માટે ગઈ હતી ત્યારે ગાય પાસે દીપડાનું બચ્ચું આવ્યું હતું. ત્યારે આ બચ્ચાને ગાયે માતાની હુંફ આપી હતી. તેના કારણે દીપડો આજ દીન સુધી ગાયને મળવા માટે આવી રહ્યો છે.
પશુ પ્રેમીઓએ આ ઘટનાને ઐતિહાસીક ઘટના ગણાવી
પ્રાણી પ્રેમીઓ માટે પણ આ ઘટના એક વખતે નવાઈ પમાડે તેમ હતી. કારણ કે દીપડાની પ્રકૃતિ સાવ અલગ છે અને ગાયની સાવ અલગ છે. આ ઉપરાંત બંને એકબીજાને આ રીતે પ્રેમથી રમતા ને વ્હાલ કરતા જોવા મળ્યા હતા. તેને લઈને પશુ પ્રેમીઓ આ ઘટનાને ઐતિહાસીક ઘટનામાં ગણાવી રહ્યા છે.