અવકાશયાત્રીઓએ આપણી આકાશગંગાની મધ્યમાંથી ધરતી તરફ આવતી કેટલીક વિચિત્ર રેડિયો તરંગોને રેકોર્ડ કરી છે. અગાઉ આવી તરંગોને ક્યારેય ધરતી તરફ આવતા જોઈ નથી. આ તરંગોએ વિશ્વભરના વૈજ્ઞાનિકોને હતપ્રભ કરી દીધા છે. એવુ નથી કે આ તરંગો ફક્ત કોઈ એક દેશ બાજુ આવી રહી હોય. આ ધરતીના દરેક ખૂણે નોંધાઈ રહી છે.
અવકાશયાત્રીઓએ ધરતી તરફ આવતા વિચિત્ર રેડિયો તરંગોને રેકોર્ડ કરી
આ તરંગોએ વિશ્વભરના વૈજ્ઞાનિકોને હતપ્રભ કરી દીધા
કોઈ અજાણ્યા અંતરિક્ષ દ્વારા મોકલવામાં આવતા સિગ્નલ તો નથી ને
આ એલિયન્સનો સંદેશ તો નથી ને...
અવકાશયાત્રીઓ હેરાન છે કે આ રેડિયો તરંગો એલિયન્સનો સંદેશ તો નથી ને. અથવા પછી કોઈ અજાણી અંતરિક્ષ વસ્તુ દ્વારા મોકલવામાં આવતા સિગ્નલ. આ બાબતોને લઇ વૈજ્ઞાનિકો ખૂબ પરેશાન છે. વૈજ્ઞાનિકો સતત આ તરંગો પાછળનું કારણ જાણવાનો પ્રયાસ કરી રહ્યાં છે.
સિગ્નલો અલગ-અલગ રીતે આવી રહ્યાં છે
આ નવી સ્ટડીના મુખ્ય લેખક અને ધ યુનિવર્સિટી ઓફ સિડનીમાં સ્કૂલ ઓફ ફિઝીક્સના વિદ્વાન જિતેન્ગ વાંગે કહ્યું કે, જે જગ્યાએથી આ રેડિયો સિગ્નલ આવી રહ્યાં છે, તે સ્થાન સતત પોતાની ચમક બદલી રહ્યું છે. સિગ્નલોને અલગ-અલગ રીતે મોકલી રહ્યું છે. જ્યારે સામાન્ય રીતે રેડિયો તરંગો એક જેવી આવે છે, પરંતુ આકાશગંગાની મધ્યમાં રહેલી અજાણી વસ્તુમાંથી આવી રહેલા તરંગો અલગ છે. જેને સમજવા ખૂબ અઘરા છે.
આ તરંગોની વચ્ચેનો પ્રકાશ એક દિશામાં આવી રહ્યો છે
જિતેન્ગ વાંગે જણાવ્યું કે આ રેડિયો તરંગ ખૂબ જ ઉંચા પ્રકારનુ ધ્રુવીકરણ થઇ રહ્યું છે. જેનો અર્થ એ છે કે આ તરંગોની વચ્ચેનો પ્રકાશ એક દિશામાં આવી રહ્યો છે, પરંતુ સમય મુજબ તે પોતાની દિશા બદલી રહ્યો છે. આ એક અત્યંત અજીબ ઘટના છે. શરૂઆતમાં અમને એવુ લાગ્યુ કે આ કોઈ પલ્સર છે. પલ્સર ખૂબ જ ઘન પ્રકારનો ઝડપથી ફરતો ન્યુટ્રોન હોય છે. એટલેકે મૃત તારા અથવા તારાના પ્રકાર જે ઝડપથી સોલર ફ્લેયર્સને પ્રતિબિંબિત કરે છે. પરંતુ ક્યાથી આ વિચિત્ર રેડિયો તરંગો આવી રહ્યાં છે, તે વૈજ્ઞાનિકોની આશા મુજબ ન હતા.
આ વિચિત્ર અવકાશ પદાર્થનું નામ તેના કોર્ડિનેટ્સના નામે રાખ્યું
જિતેન્ગ અને તેની ટીમે આકાશગંગાની વચ્ચે રહેલા આ વિચિત્ર અવકાશ પદાર્થનું નામ તેના કોર્ડિનેટ્સના નામે રાખ્યું છે. આ છે ASKAP J173608.2-321635. સિડની ઈન્સ્ટીટ્યુટ ફોર એસ્ટ્રોનોમીની પ્રોફેસર તારા મર્ફીએ કહ્યું કે શરૂઆતમાં રેડિયો તરંગો મોકલવામાં આવતી વસ્તુઓ દેખાતી ન હતી. અદ્રશ્ય હતી. પછી ધીરે-ધીરે આ પોતાની ચમક વધારવા લાગ્યુ. આ વ્યવહાર ખૂબ જ ભયાનક અને વિચિત્ર છે. અંતમાં અવકાશમાં એવુ શું છે, જે ધરતીની સાથે આવી તરંગોને મોકલીને પોતાને છુપાવી રહ્યું છે, ધુંધળું કરી રહ્યું છે અને પછી દેખાઈ રહ્યું છે.
Strange radio waves coming from the heart of the Milky Way are stumping scientists. The energy signal is unlike any phenomenon studied before and could suggest a previously unknown stellar object, according to a new study. https://t.co/7JJ6LTXXpT
મીરકેટ ટેલિસ્કોપે દર અઠવાડિયે આ રેડિયો તરંગોને રેકોર્ડ કર્યા
તારા મર્ફીએ જણાવ્યું કે પાકર્સ રેડિયો ટેલિસ્કોપ તો તેને શોધવામાં નિષ્ફળ રહ્યું. પરંતુ મીરકેટ ટેલિસ્કોપે દર અઠવાડિયે આ રેડિયો તરંગોને રેકોર્ડ કર્યા. આ તરંગો દર અઠવાડિયે 15 મિનિટ માટે ધરતી પર આવે છે. મીરકેટે કેટલાંક અઠવાડિયા સુધી આ રેડિયો તરંગોને નોંધ્યા. અમે રેડિયો તરંગોના સોર્સને શોધીને તેને સમજવાનો પ્રયત્ન કર્યો તો હેરાન રહી ગયા. તેઓ સતત પોતાને છુપાવી રહ્યા હતા. જોઈ રહ્યા હતા. એક દિવસમાં તેણે પોતાનુ રૂપ બતાવવાનો પ્રયાસ કર્યો હતો. અમે આ પ્રક્રિયા ઘણાં અઠવાડિયા સુધી રેકોર્ડ કરી છે.