કોરોના / મહામારીમાં ચોંકાવનારી ઘટના, દોઢ વર્ષ બાદ ભારતના પહેલા કોરોના દર્દી સાથે જુઓ શું બન્યું, લોકોમાં ફેલાયો મોટો ડર

• દેશની પહેલી કોરોના દર્દીને ફરી વાર સંક્રમણ, RT-PCR રિપોર્ટ પોઝિટીવ
• દેશમાં પહેલી વાર કેરળની મેડિકલની વિદ્યાર્થીનીને  કોરોના થયો હતો 
• વિદ્યાર્થીની 2020 ના જાન્યુઆરીમાં ચીનના વુહાનથી ગૃહનગર ત્રિશુર આવી હતી 

દેશમાં પ્રથમ કોવિડ કેસ એક મેડિકલ વિદ્યાર્થિનીનો હતો, જે પાછલા વર્ષે જાન્યુઆરીમાં ચીનના વુહાનથી પોતાના ગૃહનગર ત્રિશૂર આવી હતી. મંગળવારના રિપોર્ટ પ્રમાણે દોઢ વર્ષ બાદ તે ફરી કોરોના વાયરસથી સંક્રમિત થઈ છે. 

ત્રિશૂરના ડીએમઓ ડો. કેજે રીનાએ જણાવ્યું, તેનો આરટી-પીસીઆર રિપોર્ટ પોઝિટિવ છે, જ્યારે એન્ટીજન નેગેટિવ. તેને લક્ષણો વગરનું સંક્રમણ થયું છે. ચિકિત્સા અધિકારીઓ અનુસાર તે દિલ્હીની હવાઈ યાત્રા કરવા ઈચ્છતી હતી અને તેના માટે તેનો કોવિડ ટેસ્ટ થયો. ટેસ્ટ પોઝિટિવ આવ્યા બાદ બધા ચોંકી ગયા છે. 

સ્વાસ્થ્ય અધિકારીઓએ કહ્યું કે ચિંતાની કોઈ વાત નથી કારણ કે ઓછા લક્ષણ છે. વુહાનથી પરત ફર્યા બાદ તે ફરી ગઈ નથી અને પોતાના ઘરથી ઓનલાઇન અભ્યાસ કરી રહી છે. 

લોકોમાં ડરની ભાવના

ભારતના પહેલા કોરોના દર્દીને ફરી વાર સંક્રમણ થતા લોકોમાં પણ ડર ફેલાયો છે.  ત્રિશુર ડિસ્ટ્રીક્ટ મેડિકલ ઓફિસર  ડોક્ટર કેજે રીનાએ જણાવ્યું કે વિદ્યાર્થીનીનો કોરોનાનો ટેસ્ટ પોઝિટીવ આવ્યો છે. વિદ્યાર્થીની અભ્યાસ અર્થે દિલ્હી જવાની તૈયારીમાં હતી ત્યારે તેણે ટેસ્ટ કરાવ્યો તો પોઝિટીવ આવ્યો. જોકે હાલમાં તે ઘેર છે અને તેની તબિયત સારી છે. 

30 જાન્યુઆરી 2020 ના દિવસે કેરળની વિદ્યાર્થીને પહેલી વાર કોરોના થયો 
30 જાન્યુઆરી 2020 ના દિવસે ચીનના વુહાનથી આવેલી કેરળના ત્રિશુરની મેડિકલમાં ભણતી છોકરીનો કોરોના ટેસ્ટ પોઝિટીવ આવ્યો હતો. દેશમાં કોરોનાનો આ પહેલો કેસ હતો. ત્રિશુર મેડિકલ કોલેજ હોસ્પિટલમાં ત્રણ અઠવાડિયાની સારવાર બાદ બે વાર તેનો ટેસ્ટ નેગેટીવ આવ્યો હતો અને 20 ફેબ્રુઆરી 2020 ના દિવસે તેની હોસ્પિટલમાંથી રજા આપી દેવાઈ હતી.