ગુજરાત યુનિવર્સિટીમાં હાલ ઉત્તવહીની ચકાસણી ચાલી રહી છે. તે દરમિયાન B.Comના એક પરીક્ષાર્થીએ પેપરમાં જવાબ લખવાના બદલે વિચિત્ર માંગ મુકી
ગુજરાત યુનિવર્સિટીની પરીક્ષામાં વિચિત્ર માંગ
B.Comના એક પરીક્ષાર્થીએ માંગ મુકી
જવાબવહીમાં પાસ કરવા વિનંતી લખી
ગુજરાત યુનિવર્સિટીની પરીક્ષામાં વિધાર્થીએ વિચિત્ર માંગણી મૂકી
કોલેજની પરીક્ષાઓના પેપરમાં ઘણા વિદ્યાર્થીઓ પ્રશ્નોના જવાબ આપવાને બદલે એવી વિચિત્ર હરકતો કરતાં જોવા મળી રહ્યાં છે. ત્યારે આવો જ એક કિસ્સો ગુજરાત યુનિવર્સિટીના B.COMની જવાબવાહીની ચકાસણી દરમિયાન જોવા મળ્યો છે. જેમાં વિદ્યાર્થીએ ઉત્તરવહીની ચકાસણી કરતાં પ્રોફેસર સમક્ષ માંગ કરી હતી કે, મારી સગાઇ હતી એટલે મેં વાંચ્યું નથી સાહેબ મને પાસ કરજો, વિદ્યાર્થીની આવી હરકતથી પ્રોફેસરગણમાં હાસ્યનું મોજું સર્જાયું
વિદ્યાર્થીએ જવાબવાહીમાં લખ્યું કે, મારી સગાઈ થઈ છે મેં વાંચ્યું નથી સાહેબ મને પાસ કરજો
ઉલ્લેખનીય છે કે, હાલ ગુજરાત યુનિવર્સિટીની પરીક્ષાઓના પેપરની તપાસની કામગીરી શરૂ થઈ ગઈ છે. યુનિવર્સિટી દ્વારા નક્કી કરવામાં આવેલી જગ્યામાં જ પેપર ચેક થાય છે. તે રીતે જેમ જેમ મૂલ્યાંકનનું કામ આગળ વધતું જાય છે, તેમ તેમ વિદ્યાર્થીઓના ઘુમરાતા મગજની ઘણી ઉપજ પણ સામે આવી રહી છે. તેની વચ્ચે ગુજરાત યુનિવર્સિટી B.Comના એક પરીક્ષાર્થીએ પેપરમાં જવાબ લખવાના બદલે વિચિત્ર માંગ મુકી હતી કે, જેમાં તેણે જણાવ્યું હતું કે, "મારી સગાઇ હતી એટલે મેં વાંચ્યું નથી સાહેબ મને પાસ કરજો", "મને માફ કરજો સાહેબ અને મને પાસ કરવા વિનંતી" આમ વિદ્યાર્થીની વિચિત્ર માંગણીથી પ્રોફેસરગણમાં હાસ્યનું મોજું સર્જાયું હતું.