સુરત / શિક્ષણ વિભાગનો વિચિત્ર નિર્ણય, શિક્ષકો અને વિદ્યાર્થીઓની વધી મુશ્કેલી

સુરતમાં શિક્ષણવિભાગના નિર્ણયથી શિક્ષકો અને વિદ્યાર્થીઓની મુશ્કેલી વધી છે. બદલી કેમ્પ અંતર્ગત કેટલાક ગુજરાતી માધ્યમના શિક્ષકોને ઉર્દુ અને મરાઠી માધ્યમના બાળકોની શાળામાં બદલી અપાઇ છે. બદલી કેમ્પમાં ભાષા ન જાણતા શિક્ષકોને ઉર્દુ અને મરાઠી માધ્યમની શાળામાં મુકવાને લઇને શિક્ષકો અને વિદ્યાર્થીઓ બન્ને માટે મુશ્કેલી ઉભી થઇ છે.

આ નિર્ણયનો સુરત જિલ્લા શિક્ષક સંઘ સહિત અન્ય સમિતિઓ દ્વારા વિરોધ કરવામાં આવ્યો છે. HTAT શિક્ષકોએ જિલ્લા ફેરબદલીનો વિરોધ કર્યો છે.

આ પણ વાંચોઃ પોલીસ ઇન્સ્પેક્ટરની બદલી સ્ટેટ મોનિટરિંગ સેલમાં ટ્રાન્સફર અપાઇ

આ મામલે આંદોલનની ચીમકી પણ ઉચ્ચારવામાં આવી છે.. વિરોધ કર્તાઓની દલીલ છે કે ઉર્દુ ભાષા ન જાણતા ગુજરાતી શિક્ષક કે પછી મરાઠી ભાષા ન જાણતા હોય તેવા ગુજરાતી માધ્યમના શિક્ષક ઉર્દુ માધ્યમના કે મરાઠી માધ્યમના વિદ્યાર્થીઓને કઇ રીતે ન્યાય આપી શકે.. આમા શિક્ષકોને તો પરેશાની થાય જ સાથે વિદ્યાર્થીઓના ભવિષ્ય સાથે પણ રમત થાય છે.

બધા જ સમાચાર અને અપડેટ્સ મેળવવા માટે પ્લે સ્ટોર/ એપ સ્ટોર પર જઈને અથવા આ લાઈન પર ક્લિક કરીને ડાઉનલોડ કરો અમારી લેટેસ્ટ એપ