ગુજરાતના એક ગામમાં વૃદ્ધ દંપતીએ એવી વિચિત્ર અરજી કરી છે કે ખુદ પોલીસ પણ મૂંજવણમાં મુકાઇ છે. આ વૃદ્ધ દંપતીએ પોતાનું ગુજરાન ચલાવવા માટે માંગ કરી છે. જાણો શું છે માંગ અને શા માટે કરવી પડી આવી માંગ...
બેડ ગામના એક વૃદ્ધ દંપતીએ અરજી કરી
પોલીસ સકારાત્મક જવાબની રાહે દંપતી
વૃદ્ધને ક્ષયનો રો, વૃદ્ધા નેત્રહીન
જામનગર જીલ્લા પોલીસ અધિક્ષક કચેરીમાં એક વિચિત્ર અરજી આવી છે. જામનગર તાલુકાના બેડ ગામના એક વૃદ્ધ દંપતીએ અરજી કરી છે. બુઢાપાને લઈને પુત્રોએ સાથે રાખી ભરણપોષણ કરવાનું હોય એવા સમયે પુત્રો પણ પેટનો ખાડો પૂરવા અન્યત્ર સ્થળાંતર થયા છે. આથી અશક્ત મોતીભાઈ પરમાર અને વૃધ્ધા જસુબેન પરમારથી મહેનતવાળું કામ થઇ શક્તુ નથી.
આ વૃદ્ધને ક્ષય રોગ થયો છે અને વૃદ્ધા નેત્રહીન છે
આથી વૃદ્ધે પોતાનો પેટનો ખાડો પૂરવાનો કોઈ રસ્તો ન મળતા અંતે દંપતીએ દેશી દારૂ વેચવાની પરવાગી માટે અરજી કરી છે. એ પણ દરરોજની 15થી 20 પોટલી જ પ્રમાણિકતાપૂર્વક નાદાન દંપતીએ આ માંગણી કરી છે. પરંતુ કાયદાકીયરીતે આવી મંજુરી મળી શકી નથી.
છતાં આ દંપતી પોલીસ સકારાત્મક જવાબ આપશે એ જ આશાએ પોતાના ઘરની બહાર આતુરતા પૂર્વક રાહ જોઈ બેઠું છે. એક દિવસ પોલીસ આવશે અને દારૂ વેચવાની મંજુરી આપશે.