એક 35 વર્ષની મહિલા અને બે બાળકોની માતાની એક વ્યક્તિ પર એસિડ ફેંકવાના આરોપમાં ધરપકડ કરી લેવામાં આવી છે.
એક મહિલાની એસિડ ફેંકવાના આરોપમાં કરાઈ ધરપકડ
બે બાળકોની માતાએ એક વ્યક્તિ પર એસિડ ફેંક્યુ
પોલીસે ગઈકાલે કેસ નોંધ્યો અને મહિલાની કરી ધરપકડ
પીડિત શખ્સ હોસ્પિટલમાં સારવાર હેઠળ
પોલીસે જણાવ્યું કે, તિરૂવનંતપુરમના અરૂણ કુમારની રાજ્યની રાજધાનીની મેડિકલ કોલેજ હોસ્પિટલમાં સારવાર ચાલી રહી છે. આ ઉપરાંત તેમની આંખોની રોશની જવાનું પણ સંકટ છે. પોલીસે જણાવ્યું, તબીબોનું કહેવુ છે કે આ વ્યક્તિની આંખોની રોશની જઇ શકે છે. બંને ફેસબુક દ્વારા મળ્યાં. પરંતુ બાદમાં તેને જાણવા મળ્યું કે મહિલા પરિણીત છે અને બે બાળકોની માતા છે. આ વ્યક્તિ સંબંધ સમાપ્ત કરવા માંગતો હતો. પરંતુ મહિલાએ તેને બ્લેકમેલ કરવાનો પ્રયાસ કર્યો અને રૂપિયાની માંગ કરી.
મહિલાએ એક શખ્સના ચહેરા પર એસિડ ફેંક્યો
પોલીસે કહ્યું કે કુમાર પોતાનો સાળો અને મિત્રની સાથે 16 નવેમ્બરે આદિમાલીની પાસે એક ચર્ચમાં ગયા. જ્યાં તે મહિલાને પૈસા આપવા માટે મળ્યો. ચર્ચમાં લગાવેલા સીસીટીવી કેમેરામાં જોવા મળ્યું છે કે મહિલા પાછળ ઉભી હતી અને અચાનક તે આગળ આવે છે અને કુમારના ચહેરા પર એસિડ ફેંકે છે. આ દરમ્યાન મહિલાને પણ મામૂલી ઈજા થાય છે.
પોલીસે ગઈકાલે મહિલાની કરી ધરપકડ
પોલીસે કહ્યું કે પીડિત વ્યક્તિ આદિમાલીની એક ખાનગી હોસ્પિટલમાં દાખલ થયો અને બાદમાં તેને તિરૂવનંતપુરમ મેડિકલ કોલેજમાં સ્થળાંતરીત કરવામાં આવ્યો. પોલીસે જણાવ્યું કે આ સંદર્ભે ગઈકાલે કેસ નોંધવામાં આવ્યો અને શીબાની ધરપકડ કરવામાં આવી.