BIG NEWS / ઓમિક્રૉન સામે લડવા તૈયાર ભારત! સિરમ ઈન્સ્ટિટ્યૂટે વેક્સિનના બૂસ્ટર ડોઝની માંગી મંજૂરી

• SIIએ  કોવિશીલ્ડના બૂસ્ટર ડોઝ માટે દવા નિયામક પાસે મંજૂરી માંગી
• SII ભારતની પહેલી કંપની છે જેણે કોરોનાના બૂસ્ટર ડોઝ લગાવવા માટે મંજૂરી માંગી
• ઓક્સફર્ડના વૈજ્ઞાનિક એક નવી રસીની શોધ કરી રહ્યા છે- પૂનાવાલા

SIIએ  કોવિશીલ્ડના બૂસ્ટર ડોઝ માટે દવા નિયામક પાસે મંજૂરી માંગી

ઓમિક્રોન વેરિએન્ટના વધતા સંકટની વચ્ચે સિરમ ઈન્સ્ટીટ્યૂટ ઓફ ઈન્ડિયાએ ભારતમાં પોતાની કોરોના રસી કોવિશીલ્ડના બૂસ્ટર ડોઝ માટે દવા નિયામક પાસે મંજૂરી માંગી છે. મામલા સાથે જોડાયેલા કેટલાક અધિકારીઓએ આ જાણકારી સમાચાર એજન્સી એએનઆઈને આપી છે. અધિકારીઓ મુજબ કોરોનાના નવા વેરિએન્ટ ઓમિક્રોનના કારણે આ મંજૂરી માંગવામાં આવી છે.

SII ભારતની પહેલી કંપની છે જેણે કોરોનાના બૂસ્ટર ડોઝ લગાવવા માટે મંજૂરી માંગી

સિરમ ઈન્સ્ટિટ્યૂટ ઓફ ઈન્ડિયા ભારતની પહેલી કંપની છે જેણે કોરોનાના બૂસ્ટર ડોઝ લગાવવા માટે મંજૂરી માંગી છે. કેન્દ્ર સરકારે પણ સાંસદને આ જાણકારી આપી છે કે કોરોનાના રસીકરણ માટે બનેલા નેશનલ ટેક્નિકલ ગ્રુપ ઓફ ઈમ્યૂનાઈઝેશન અને નેશનલ એક્સપર્ટ્સ ગ્રુપે પણ બુસ્ટર ડોઝના વૈજ્ઞાનિક પાસા પર વિચાર કરી રહ્યા છે.

આ રાજ્યોએ પણ કેન્દ્ર પાસે બૂસ્ટર ડોઝ માંગ્યા

રાજસ્થાન, છતીસગઢ, કર્ણાટક અને કેરળ જેવા રાજ્યોએ ઓમિક્રોન વેરિએન્ટ સામે આવ્યા બાદ કેન્દ્ર સરકાર પાસે બૂસ્ટર ડોઝની મંજૂરી આપવા માંગ કરી છે.

ઓક્સફર્ડના વૈજ્ઞાનિક એક નવી રસીની શોધ કરી રહ્યા છે- પૂનાવાલા

ઉલ્લેખનીય છે કે હાલમાં જ એક ટીવી ચેનલના ઈન્ટરવ્યૂહમાં સિરમ ઈન્સ્ટીટ્યૂટ ઓફ ઈન્ડિયાના ચીફ અદાર પૂનાવાલાએ કહ્યું હતુ કે શક્ય છે કે ઓક્સફર્ડના વૈજ્ઞાનિક એક નવી રસીની શોધ કરી રહ્યા છે. જે આ નવા વેરિએન્ટની સામે બૂસ્ટર ડોઝની જેમ કામ કરશે.

આ વેરિએન્ટ જે લોકોમાં જોવા મળ્યો છે તેમનું સંપૂર્ણ રસીકરણ થઈ ચૂક્યું હતુ

કોરોનાનો નવો ઓમિક્રોન વેરિએન્ટ સૌથી પહેલા 24 નવેમ્બરે  દક્ષિણ આફ્રિકામાં રિપોર્ટ થયો હતો. વિશ્વ સ્વાસ્થ્ય સંગઠન મુજબ આ વેરિએન્ટમાં સૌથી વધારે મ્યૂટેશન એટલે કે ફેરફાર થયો છે. ચિંતાજનક વાત એ છે કે વેરિએન્ટના સ્પાઈક પ્રોટીનમાં સૌથી વધારે ફેરફારનું કારણ આ પહેલાના વેરિએન્ટની સરખામણીમાં હજું વધારે તેજીથી ફેલાઈ શકે છે. દક્ષિણ આફ્રીકા સ્વાસ્થ્ય અધિકારીઓ મુજબ આ વેરિએન્ટ જે લોકોમાં જોવા મળ્યો છે તેમનું સંપૂર્ણ રસીકરણ થઈ ચૂક્યું હતુ.