નિયમ / તો દરેક ગાડીમાં આ હોવું ફરજિયાત બનશે, જલ્દી મોદી સરકાર લાવી શકે છે આ નિયમ

• મોદી સરકાર ગાડીઓને લઈને લાવી રહી છે આ નવો નિયમ
• ભારતમાં વેચાતા વાહનો સેફ્ટી મામલે પહેલાં કરતા વધુ સારા બનશે
• આ નિયમ મોંઘી અને સસ્તી બધી કારો માટે લાગુ થશે

ટાઇમ્સ ઓફ ઈન્ડિયાના અહેવાલ મુજબ, વ્હીકલ સ્ટાન્ડર્ડની સર્વોચ્ય ટેક્નીકલ કમિટીએ આ દરખાસ્તને આગળ ધપાવી દીધી છે અને સરકારે સલામતી ફીચર્સમાં કરાતા ફેરફારને ધ્યાનમાં રાખીને ઓટોમોટિવ ઈન્ડસ્ટ્રી સ્ટાન્ડર્ડ (એઆઈએસ)માં સુધારા માટે એક ડ્રાફ્ટ નોટિફિકેશન બહાર પાડ્યું છે. એક સરકારી અધિકારીએ કહ્યું કે દુનિયાભરમાં સામાન્ય સહમતિ છે કે ગાડીઓમાં મહત્તમ સલામતીની સુવિધાઓ હોવી જોઈએ, જેથી અકસ્માતમાં મુસાફરોનું જીવન સુરક્ષિત રહે.

સરકારે સ્પષ્ટ કર્યું છે કે ખર્ચને કારણે વાહનોની સલામતી સુવિધાઓ પર કોઈ બાંધછોડ કરવામાં નહીં આવે. નવા નિયમો ક્યારે અમલમાં મૂકવા જોઈએ તેની સમયરેખા પર માર્ગ પરિવહન મંત્રાલય કામ કરી રહ્યું છે. સૂત્રો મુજબ આ માટે એક વર્ષનો સમય પૂરતો રહેશે. આ ઉપરાંત સરકાર માર્ગ અકસ્માતોને રોકવા માટે ખાનગી અને વ્યવસાયિક કારમાં સેન્ટ્રલ લોકિંગ સિસ્ટમમાં મેન્યુઅલ સિસ્ટમનો સમાવેશ કરવાની પણ તૈયારી કરી રહી છે.

1 જુલાઈ 2019એ સરકારે તમામ કારમાં 5 પ્રકારના સેફ્ટી ફીચર્સ લગાવવા જરૂરી હતી. આ પાંચ ફીચર્સમાં એન્ટી લોક બ્રેકિંગ સિસ્ટમ (એબીએસ), ડ્રાઇવર એરબેગ, સ્પીડ એલર્ટ સિસ્ટમ, સીટ બેલ્ટ રિમાઇન્ડર, રિવર્સ પાર્કિંગ એલર્ટ સિસ્ટમનો સમાવેશ છે. જોકે, આ ફીચર્સ હોવા છતાં પેસેન્જર્સ હજી પણ સંપૂર્ણ રીતે સેફ નથી. કોઈ મોટા અકસ્માતમાં કો-પેસેન્જર ગંભીર રીતે ઘાયલ થવાના અથવા માર્યા જવાનો ભય રહે છે.