બોલિવૂડ / રસ્તા પર મૃત માતાની પાસે રડતી હતી બાળકી, સલમાનના પિતા સલીમ ખાનથી જોવાયું નહીં અને બનાવી લીધી દીકરી

• 1981માં અર્પિતાને સલીમ ખાને લીધી દત્તક 
• મુંબઈમાં એક મૃત મહિલા પાસે મળી આવી હતી અર્પિતા 
• સલીમ ખાનના મિત્ર શરદે અર્પિતાનું કર્યું હતું નામકરણ 

સલમાન ખાનની બહેન અને સલીમ ખાનની દીકરી અર્પિતા ખાનની આજે છઠ્ઠી વેડિંગ એનીવર્સરી છે. છ વર્ષ પહેલા આજના  દિવસે અર્પિતાએ આયુષ સાથે સાત ફેરા લીધા હતા. 

અર્પિતા સલીમ ખાનની દત્તક લીધેલ દીકરી છે. અર્પિતાને સલીમ ખાને વર્ષ 1981માં દત્તક લીધી હતી. થયું એમ કે સલીમ તેમના પત્નીને રોજ સવારે આટો મારવા લઇ જતા હતા અને એક દિવસ સવારે તેમણે જોયું કે સડક કિનારે એક મહિલા મૃત હાલતમાં પડી છે અને સાથે એક નાનકડી દીકરી રડી રહી છે. તે બાળકીને જોઇને સલીમ ખાનનું હૃદય કંપી ઉઠ્યું અને બાળકીને પોતાની સાથે લઇ લીધી, બાદમાં સલીમ ખાન અને હેલને બાળકીને દત્તક લીધી.  

તે સમયે સલીમની સાથે તેમના મિત્ર શરદ જોશી પણ હાજર હતા અને ત્યારે સલીમે શરદને જ દીકરીનું નામ રાખવા કહ્યું. તે બાદ શરદ જોશીએ આ બાળકી તમને અર્પિત થઇ છે એટલે તેનું નામ અર્પિતા રાખવામાં આવે. 

પાંચેય ભાઈ-બહેનમાં અર્પિતા સૌથી નાની છે અને સલમાન ખાન સૌથી મોટા છે. અર્પિતાએ લંડન કોલેજ ઓફ ફેશનથી માર્કેટિંગ અને મેનેજમેન્ટની ડીગ્રી હાંસલ કરી છે અને તે હાલમાં મુંબઈમાં આર્કિટેક્ટ તરીકે કામ કરી રહ્યા છે.