હજું હાથરસ કેસ કે બદયુના બળાત્કારની ઘટના લોકો ભૂલી નથી શક્યા ત્યાં વધું કે બાળકી વિકૃતીનો શિકાર બની. હેવાનોએ ફરી એક ફુલને પિંખી નાંખ્યું છે. મહારાષ્ટ્રમાં વધું એક ગેંગરેપની ઘટના બની છે. મહારાષ્ટ્રાના નાસિકમાં એક 13 વર્ષની બાળકી સાથે ગેંગરેપનો મામલો સામે આવ્યો છે. આ મામલામાં અત્યાર સુધીમાં પોલીસે 7ની ધરપકડ કરી છે. પકડાયેલા લોકોમાં 5 પુરુષ અને 1 મહિલા અને 1 સગીર છોકરો છે.
બાળકીએ રડમસ આંખે અસહ્ય વેદના સાથે ઘટના વર્ણવી
એક સગીર અને મહિલા સહિત 7ની ધરપકડ
પોક્સો એક્ટ હેઠળ બળાત્કારનો કેસ દાખલ
બાળકીએ રડમસ આંખે અસહ્ય વેદના સાથે ઘટના વર્ણવી
આ ઘટના શનિવારે નાસિક રોડ વિસ્તારમાં થઈ હતી. પીડિતાના માતા- પિતા જ્યારે કામથી રાતે ઘરે પાછા ફર્યા ત્યારે તેમને પોતાની દીકરી ઘરમાં મળી નહોંતી. પછીથી બાળકી રડતી હાલતમાં મળી હતી. જ્યારે માતા- પિતાએ તેને કારણ પુછ્યુ તો કિશોરીએ સમગ્ર ઘટનાનું વર્ણન કર્યું હતું. જેના આધાર પર પોલીસ સ્ટેશનમાં ફરિયાદ નોંધાવામાં આવી હતી.
એક સગીર અને મહિલા સહિત 7ની ધરપકડ
ફરિયાદના આધારે પોલીસે રવિવારે 19થી 29 વર્ષની વચ્ચેના 5 પુરુષ આરોપીઓ અને 1 સગીરને ઝડપી પાડ્યા હતા. પોલીસે એક મહિલાની પણ ધરપકડ કરી છે. જેણે કથિત રીતે આરોપીઓને દુષ્કર્મમાં મદદ કરી હતી.
પોક્સો એક્ટ હેઠળ બળાત્કારનો કેસ દાખલ કરવામા આવ્યો
પીડિતાને હાલમાં જિલ્લા સિવિલ હોસ્પિટલમાં સારવાર માટે દાખલ કરવામાં આવી છે. જ્યાં તેની સારવાર ચાલી રહી છે. તમામ આરોપીઓની વિરુદ્ધ આઈપીસીની કલમ તથા પોક્સો એક્ટ હેઠળ કેસ દાખલ કરવામા આવ્યો છે.