ચિંતાજનક / નવી આફત : બાળકોમાં કોરોના બાદ હવે નવી બીમારીએ વધાર્યુ ટેન્શન, જાણો કેન્દ્ર સરકારે શું કહ્યું

• સારવારને લઈને દિશા નિર્દેશ તૈયાર કરવામાં આવી રહ્યા છે
• પોસ્ટ કોવિડમાં બાળકોમાં જોવા મળી રહી છે આ સમસ્યા
• ... પરંતુ આરટીપીસીઆર ટેસ્ટ નેગેટિવ આવે છે

સારવારને લઈને દિશા નિર્દેશ તૈયાર કરવામાં આવી રહ્યા છે

પોસ્ટ કોવિડમાં બાળકોને તાવ, શરીર પર લાલ ચાઠા, આંખો આવવી, શ્વાસ ફુલવા જેવા લક્ષણો આવી રહ્યા છે.  ઉલ્ટી, ડાયરિયા થાકના લક્ષણો પણ આવી શકે છે. જો કે કેન્દ્ર સરકાર અનુસાર આ એક ઈમરજન્સી સ્થિતિ છે અને સમય રહેતા જો તેની સારવાર શરુ થઈ જાય તો વધારે મુશ્કેલી નહીં પડે. સારવારને લઈને દિશા નિર્દેશ તૈયાર કરવામાં આવી રહ્યા છે.

... પરંતુ આરટીપીસીઆર ટેસ્ટ નેગેટિવ આવે છે

વિશેષજ્ઞોના અનુસાર આ લક્ષ્ણો કોરોના સાથે મળતા આવે છે. પરંતુ આરટીપીસીઆર ટેસ્ટ નેગેટિવ આવે છે. કોરોના જ્યાં સંક્રમણ ફેંફસામાં થાય છે એમઆઈએસમાં એવુ લાગે છે કે બિમારી શરીરના એક સિસ્ટમમાં નહીં પરંતુ તમામ જગ્યાએ છે. એટલા માટે આને મલ્ટીસિસ્ટમ ઈન્ફ્લેમેટ્રરી સિંડ્રોમ કહેવામાં આવે છે. તેવામાં જ્યારે કોરોનાની ત્રીજી લહેર બાળકો માટે ખતરનાક ગણાવાઈ રહી છે તો આ લક્ષણ ચિંતાજનક છે.

બાળકોમાં કોરોના સંક્રમણને 2 પ્રકારથી જોવામાં આવી રહ્યું

નીતિ આયોગના સભ્ય ડો. વી કે પોલના જણાવ્યાનુસાર બાળકોમાં કોરોના સંક્રમણને 2 પ્રકારથી જોવામાં આવી રહ્યું છે. બાળકમાં કોરોના સંક્રમણ થયુ અને તેના સાજા થયા બાદ સંક્રમણના 2-3 ટકા મામલા બાળકોને હોસ્પિટલમાં દાખલ કરવાની જરુર પડે છે. પરંતુ અમારી તૈયારી તેનાથી બે ગણી અથવા તેથી વધારે છે. એટલા માટે બાળકોના મામલામાં દાખલ થવાની કોઈ સમસ્યા નથી. તેમણે કહ્યું કે સરકાર બાળકોમાં થનારા કોરોના પર વિશેષ ધ્યાન કેન્દ્રીત કરી રહી છે. તેમની સારવારની રણનીતિ નક્કી કરવા માટે બાળ રોગ વિશેષજ્ઞોનું એક ગ્રુપ તૈયાર કરવામાં આવ્યુ હતુ. જેમણે પોતાનો રિપોર્ટ સોંપી દીધો છે તથા જલ્દી તેને અનુરુપ દિશા નિર્દેશ જારી કરી કરવામાં આવશે.

સરકાર નવી રીતથી આ પડકારનો સામનો કરવા માટે તૈયાર

પોલે વાગોળ્યુ કે અત્યાર સુધી બાળકોમાં કોરોના સંક્રમણ ઓછું થઈ રહ્યું છે અને મોટા ભાગના મામલામાં કોઈ લક્ષ્ણો જણાતા પણ નથી. પરંતુ જો વાયરસ પોતાના વ્યવહારમાં કોઈ ફેરફાર કરી દે અથવા મહામારીની પ્રવૃત્તિ બદલાય તો સ્થિતિ બદલાઈ શકે છે. આ મામલામાં સતત વૈજ્ઞાનિક જાણકારીઓને અપડેટ કરવામાં આવી રહી છે.  સરકાર નવી રીતથી આ પડકારનો સામનો કરવા માટે તૈયાર છે.