ડ્રાઇવિંગ લાયસન્સ અમારા માટે એક મહત્વપૂર્ણ દસ્તાવેજ માનવામાં આવે છે. જો તમે ટુ વ્હીલર કે ફોર વ્હીલર ચલાવતા હોવ તો ડ્રાઈવિંગ લાયસન્સ હોવું ખૂબ જ જરૂરી છે.
ઘરે બેઠાં રિન્યુ કરાવી શકાય છે ડ્રાઇવિંગ લાયસન્સ
DLના કોઈપણ કામ માટે RTO જવાની નહીં પડે જરૂર
રિન્યુ કારવવા માટેની અરજી ઓનલાઈન કરવાની રહેશે
સરકારે ડ્રાઇવિંગ લાયસન્સ બનાવવાની પ્રક્રિયાને વધુ સરળ બનાવી છે. હવે તમે તમારા ઘરે બેઠાં બેઠાં જ તમારું ડ્રાઇવિંગ લાઇસન્સ ઓનલાઈન મેળવી શકો છો. હવે લાયસન્સના કોઈપણ કામ માટે RTO જવાની જરૂર નહીં પડે. સરકારે ડ્રાઇવિંગ લાઇસન્સ મેળવવાની સમગ્ર પ્રક્રિયા ઓનલાઈન કરી છે. ઉલ્લેખનીય છે કે ડ્રાઇવિંગ લાયસન્સ માટે લોકોએ તમામ વિગતો જણાવવી જોઈએ કારણ કે તેને આઈડેન્ટિટી કાર્ડ તરીકે પણ ઓળખવામાં આવે છે.
આ રીતે રિન્યુ કરાવી શકાય છે ડ્રાઇવિંગ લાયસન્સ
જણાવવામાં આવ્યું છે કે જો તમારું ડ્રાઇવિંગ લાયસન્સ એક્સપાયર થઈ ગયું છે, તો તમારી પાસે તેને રિન્યુ કરવા માટે એક વર્ષનો સમય હોય છે. તે સમયગાળામાં જો તમે કોરોના મહામારીને કારણે RTO ઑફિસમાં જવા માંગતા નથી, તો તમારે તમારા ડ્રાઇવિંગ લાઇસન્સ માટે ઑનલાઇન અરજી કરી શકો છો. આ માટે તમે આખી પ્રક્રિયા તમારા ઘરે બેસીને કરી શકો છો.
કેવી રીતે કરવી ઓનલાઇન અરજી
-સૌ પ્રથમ પરિવહન વિભાગની વેબસાઇટ https://parivahan.gov.in/ પર ક્લિક કરો. આ પછી તમારે હોમ પેજ પર ઓનલાઈન સર્વિસ અને પછી ડ્રાઈવિંગ લાયસન્સ રિલેટેડ સર્વિસ પર ક્લિક કરવાનું રહેશે.
-ત્યારબાદ તમારી સામે એક અલગ પેજ ખુલશે જ્યાં તમારે તમારા રાજ્યનું નામ સિલેકટ કરવાનું રહેશે. સ્ટેટ સિલેક્ટ કર્યા પછી તમારી સામે એક નવું પેજ ખુલશે. આમાં -તમને ઘણા ઓપ્શન્સ જોવા મળશે. જ્યાં તમારે ડ્રાઇવિંગ લાયસન્સ રિન્યૂ કરવાના ઓપ્શન પર ક્લિક કરવાનું રહેશે.આ સમગ્ર પ્રક્રિયા પૂર્ણ કર્યા બાદ અરજી સબમિટ કરવાનો ઓપ્શન આવશે. આ પહેલા, તમારે સંપૂર્ણ એપ્લિકેશન ભરવાની રહેશે જેમાં તમને જે પણ વિગતો પૂછવામાં આવે તે ભરવાની રહેશે.
-અપલોડ કરવા માટે જે પણ દસ્તાવેજો પૂછવામાં આવે તે તમારે અપલોડ કરવાની રહેશે. આ તમામ પ્રક્રિયા પૂર્ણ કર્યા બાદ ફોટો અને સાઈન અપલોડ કરવાની રહેશે.
-આ પછી ફી જમા કરવાનો ઓપ્શન આવશે. જેમાં તમારે નિયત ફી જમા કરવાની રહેશે. તે પછી તમે ફીની રિસીપ્ટ ડાઉનલોડ કરીને તેની પ્રિન્ટ કરાવવાની રહેશે.
-આ રીતે તમારું ડ્રાઇવિંગ લાઇસન્સ અરજી કર્યા બાદ સરળતાથી જનરેટ થઈ જશે.