એવુ ભાગ્યે જ કોઇ વ્યકિત હશે જેણે ક્યારેય પડીકાની વેફર્સ ખાધી જ ન હોય. સામાન્ય રીતે ક્રન્ચી અને ક્રિસ્પી વેફર્સનું નામ પડે ત્યારે મોંમા પાણી આવી જાય છે. પરંતુ, નિષ્ણાતોના જણાવ્યા અનુસાર, બટેટાની આવી વેફર્સ દિમાગ અને પાચનશક્તિ માટે હાનિકારક છે. અહીં કેટલાક તથ્યો આપવામાં આવ્યા છે જોઇએ આ વેફર્સ કેટલી નુકસાનકારક છે.
બટેટાની ચિપ્સને ઝેરી ડ્રગ્સ અને આલ્કોહોલ સાથે સરખાવવામાં આવી છે. વેફર્સનું એડિક્શન થઇ શકે છે. વારંવાર વેફર્સ ખાવાથી તેની એક આદત પડી શકે છે. આ ઉપરાંત તે શરીરની મેદસ્વીતામાં પણ વધારો કરે છે. આ ઉપરાંત બ્લડ પ્રેશરનો પણ પ્રોબ્લેમ થઇ શકે છે.
અનેક લોકો એવું માનતા હોય છે કે વેફર્સ લાઈટ ફૂડ છે. પણ વાસ્તવિકતા એ પણ છે કે તે કેલરીથી ભરપૂર હોય છે. ઘણી વખત ખરાબ તેલને કારણે શરીરનુ સ્વાસ્થ્ય જોખમાય છે. તે શરીરમાં કેલેરી વધારે છે, તેની અસર પાચનશક્તિ પર થાય છે.
હેલ્થ અફેર્સ 2015ના એક રિપોર્ટ અનુસાર બટેટા ચિપ્સથી વજન વધે છે. દરેક ચિપ્સ 10 ગ્રામ વજન વધારે છે. જે કેલેરીમાં પણ વધારો કરે છે. બટેટાથી પેટની તકલીફ પણ ઉભી થઇ શકે છે. આ ઉપરાંત મસાલાને કારણે પણ તકલીફ ઉભી થાય છે.