મોટા સમાચાર / આજે બપોરથી જ બંધ કરો તમામ સેવાઓ: Rapido ને બૉમ્બે હાઇકોર્ટે આપ્યો ઝટકો, જાણો સમગ્ર મામલો

• રેપીડો કંપનીને બોમ્બે હાઈકોર્ટ તરફથી મોટો ઝટકો
• કંપનીને તેની તમામ સેવાઓને તાત્કાલિક બંધ કરવાનો આદેશ
• આ મામલે આવતી સુનાવણી ફરી શુક્રવારે થશે

બાઇક ટેક્સી સર્વિસ ચલાવવાવાળી કંપની રેપીડોને બોમ્બે હાઈકોર્ટ તરફથી મોટો ઝટકો લાગ્યો છે. જણાવી દઈએ કે હાઈકોર્ટે પુણેમાં કંપનીને તેની તમામ સેવાઓને તાત્કાલિક બંધ કરવાનો આદેશ આપત કહ્યું કે બાઇક ટેક્સીની સાથે સાથે કંપનીની રિક્ષા અને ડિલિવરી સર્વિસ પણ લાઇસન્સ વિનાની છે. 

જણાવી દઈએ કે રેપિડો ટેક્સી સર્વિસ અંગેની સુનાવણી દરમિયાન બોમ્બે હાઈકોર્ટે કંપનીને શુક્રવાર (13 જાન્યુઆરી) બપોરે 1 વાગ્યાથી તમામ સેવાઓ બંધ કરવાનો નિર્દેશ આપ્યો હતો. અને હાઈકોર્ટના આદેશ પછી કંપની સમગ્ર રાજ્યમાં 20 જાન્યુઆરી સુધી તમામ સેવાઓ બંધ કરવા માટે તૈયાર થઈ ગઈ છે. જો કે આ મામલે આવતી સુનાવણી ફરી શુક્રવારે થશે. 

શું છે મામલો?
જણાવી દઈએ કે રેપિડોએ 16 માર્ચ 2022ના રોજ પુણે RTOમાં લાઇસન્સ માટે અરજી કરી હતી અને એ અરજીને ટ્રાન્સપોર્ટ વિભાગે નકારી કાઢી હતી. આ સાથે જ પરિવહન વિભાગે લોકોને રેપિડોની એપ અને તેની સેવાઓનો ઉપયોગ ન કરવાની ઑઁ અપીલ કરી હતી. આ કિસ્સા પછી રેપિડોએ બોમ્બે હાઈકોર્ટમાં અરજી કરી હતી અને 29 નવેમ્બર 2022 ના રોજ હાઇકોર્ટે વિભાગને પરવાનગી પર ફરી વિચાર કરવા માટે કહ્યું હતું. એ પછી 21 ડિસેમ્બર 2022 ના રોજ આરટીઓની બેઠકમાં એમની અરજીને ફરીથી નકારી કાઢવામાં આવી હતી અને ત્યારે કહેવામાં આવ્યું હતું કે રાજ્યમાં બાઇક ટેક્સીને લઈને કોઈ સ્પષ્ટ નિયમ નથી.

Arz kiya hai 💬 pic.twitter.com/PcfQqiIElt

— Rapido (@rapidobikeapp) January 5, 2023

બીજી વખત પણ અરજી ફગાવી દેવામાં આવી એ પછી રેપિડોએ હાઈકોર્ટમાં અરજી કરી હતી અને આ અરજી પર સુનાવણી દરમિયાન શુક્રવારે હાઈકોર્ટે બાઇક ટેક્સીને લઈને આગળ સૂચના આપી હતી. જણાવી દઈએ કે સુનાવણી દરમિયાન રાજ્ય સરકારે હાઈકોર્ટને જણાવ્યું કે રેપીડો એ 'બાઈક ટેક્સી' અંગે સ્વતંત્ર સમિતિની રચના કરી છે અને આ અંગે કમિટી ટૂંક સમયમાં પોતાનો રિપોર્ટ આપશે. ત્યાં સુધી રાજ્ય સરકાર આ સેવા તાત્કાલિક બંધ કરે તેવી માંગ કરે છે. 

રાજ્ય સરકારને ફટકાર લગાવી
બોમ્બે હાઈકોર્ટે આ પહેલા મંગળવારે સુનાવણી દરમિયાન બાઇક ટેક્સીઓને મંજૂરી આપતી નીતિ તૈયાર કરવામાં અનિશ્ચિતતા માટે મહારાષ્ટ્ર સરકારને ફટકાર લગાવતા કહ્યું હતું કે એમને કોઈને કોઈ સ્વરૂપે તેનું વલણ સ્પષ્ટ કરવું પડશે.