દાદાગીરી / અંકલેશ્વરમાં મહિલાએ છેડતીની ફરિયાદ કરી તો અસામાજિક તત્વોએ જુઓ કેવો મચાવ્યો આતંક

• અંકલેશ્વરમાં અસામાજિક તત્વોએ મહિલાની કરી છેડતી
• મહિલાએ 181 નંબર પર ફરિયાદ કરી
• શખ્સોએ 181 હેલ્પલાઇનના વાહન પર પણ કર્યો હુમલો

ગુજરાતમાં અવાર નવાર છેડતી અને અસામાજિક તત્વોનો આતંક જોવા મળતો હોય છે ત્યારે ભરૂચ અંકલેશ્વરમાં અસામાજિક તત્વોનો આતંક સામે આવ્યો છે. આ શખ્સો દ્વારા 181 હેલ્પલાઈનને નિશાન બનાવવામાં આવી હતી. જે મામલે પોલીસ ફરિયાદ કરવામાં આવી છે. 

અંકલેશ્વરમાં અસામાજિક તત્વો બન્યા બેફામ
મહત્વનું છે કે અંકલેશ્વરના ગડખોલ પાટિયા વિસ્તારની ચંડાલ ચોકડી ખાતે મહિલાની છેડતી ફરિયાદ મળતા જ 181 હેલ્પલાઇનની ટીમ પહોંચી હતી. ત્યારે કેટલાક અજાણ્યા શખ્સોએ 181 હેલ્પલાઇનના વાહનને નિશાન બનાવ્યું હતું. અને ગાડીના કાચ તોડી નાખ્યા હતા, જો કે આ મામલે પોલીસમાં ફરિયાદ નોંધાતા પોલીસ દ્વારા આગળની કાર્યવાહી કરવામાં આવી છે. પોલીસે આવા અસામાજિક તત્વો સામે તોડફોડ તેમજ છેડતીની ફરિયાદને આધારે કાર્યવાહી હાથ ધરી છે. સમગ્ર મામલે અંકલેશ્વર શહેર પોલીસ મથકમાં ફરિયાદ નોંધાઇ છે. તો વાહનની તોડફોડ કરનાર શખ્સને પોલીસને હવાલે કરી દેવાયો છે. 

સળગતા સવાલ

• અંકલેશ્વરમાં અસમાજિક તત્વો પર લગામ ક્યારે?
• ખુલ્લેઆમ દાદાગીરી તો કડક કાર્યવાહી કેમ નથી કરાતી?
• મહિલાની છેડતી કરી ઉપરથી 181 હેલ્પલાઈન પર હુમલો..!
• શું અસામાજિક તત્વોને પોલીસનો ડર ગાયબ થઈ ગયો છે?