અમદાવાદ / પત્નીનું મૃત્યુ થતા બાળકોની જવાબદારી નિભાવવા પિતાએ શરૂ કર્યો ચોરીનો ધંધો, અંતે આ ચોરી ભારે પડી

• નાદીરખાને અડધી મિનિટમાં જ રૂપિયા 1.64 લાખ રૂપિયાની ચોરી
• ત્રણ વર્ષ પહેલા તેની પત્નીનુ મૃત્યુ થયું હતું
• બાળકોની જવાબદારી નિભાવવા નાદીરખાન ચોરી કરતો હતો

તાજેતરમાં શાહીબાગમાં આવેલી યસ બેન્કમાં કેશ કાઉન્ટર પરથી ચોરી થઇ હતી. તે સંદર્ભે પોલીસે એક યુવકની ધરપકડ કરી છે. પોલીસે સીસીટીવી ફુટેજના આધારે નાદીરખાન પઠાણની નામના યુવક ધરપકડ કરી છે. નાદિરખાને શાહીબાગની યસ બેન્કના કેશ કાઉન્ટર પરથી રૂ ૧.૬૪ લાખની રોકડ ચોરી કરી કરી હતી. તે કાઉન્ટર પરથી રોકડ ભરેલી થેલી લઈને જતા દેખાયો હતો. જેને લઇને શાહીબાગ પોલીસે તપાસ કરતા કાલુપુરથી નાદીરખાનની ધરપકડ કરી છે.

મહત્વની બાબત તો એ છે કે પોલીસ તપાસમા સામે આવ્યુ કે નાદીરખાન પોતાના ત્રણ બાળકો અને પત્ની સાથે કાલુપુર પાંચકુવા નજીક નગીન મહોલ્લામા રહેતો હતો. મજૂરી કરીને પરિવારનુ ગુજરાન ચલાવતો હતો. પરંતુ ત્રણ વર્ષ પહેલા તેની પત્નીનુ મૃત્યુ બાદ નાદીરખાન ચોરી કરવાનું શરૂ કરી દીધું હતું. તે બાળકોની જવાબદારી નિભાવવા ચોરી કરતો હોવાની કેફીયત પોલીસને આપી રહ્યો હતો. પરંતુ નાદિરખાન મજૂરી કે ધંધો કરીને સંતાનો ઉછેર કરવાના બદલે ચોર બની ગયો.

નાદીરખાને અડધી મિનિટમાં જ રૂપિયા 1.64 લાખ રૂપિયાની ચોરી

અમદાવાદના શાહીબાગ વિસ્તારની યસ બેંકમાં હાર્દિક ઠાકોર નામનો યુવક 5 લાખ રૂપિયા જમા કરાવવા માટે ગયો હતો. તે સમયે કેશ કાઉન્ટર પર કોઇ ન હોવાથી તે 5 લાખ રૂપિયા ત્યાં ટેબલ પર જ રાખીને કેશિયરને બોલાવા માટે ગયો. આ દરમિયાન નાદીરખાને સમયનો ઉપયોગ કરીને માત્ર 22 સેકેન્ડમાં જ 2 હજાર રૂપિયાનું બંડલ ચોરી લીધું હતું. આ બંડલમાં 2 હજારના દરની 82 નોટ હતી. એટલે કુલ 1.64 લાખ રૂપિયા હતા. જ્યારબાદ હાર્દિક ઠાકોરે પોલીસનો સંપર્ક કર્યો હતો. પોલીસે બેંકના સીસીટીવી તપાસ્યા હતા. જેમાં એક અજાણ્યો શખ્સ રૂપિયા ચોરીને ભાગતો જોવા મળ્યો હતો. મહત્વનું છે કે પોલીસે થોડા દિવસોની અંદર જ આ ચોર (નાદિરખાન) ની ધરપકડ કરી લીધી છે.