તેજી / સતત ત્રીજા દિવસે શેરબજાર ગ્રીન ઝોનમાં, 115 પોઈન્ટની મજબૂતી સાથે માર્કેટ બંધ, કાલે રજા

• નવા નાણાકીય વર્ષના પ્રથમ કારોબારાના દિવસે શેરબજારમાં તેજી
• શેરબજારમાં આજે ત્રીજા દિવસ દરમિયાન તેજી
• બીએસઇ સેન્સેક્સમાં 115 અને નિફટીમાં 38 પોઇન્ટનો ઉછાળો

રજાના સમયગાળા દરમિયાન શેરબજાર બંધ રહ્યા બાદ નવા નાણાકીય વર્ષના પ્રથમ કારોબારાના દિવસે જ બજારમાં તેજી જોવા મળી હતી. આજે સતત ત્રીજા કારોબારના દિવસ દરમિયાન તેજી જોવા મળી હતી. સેન્સેક્સ પણ ઇન્ટ્રાડેમા 59,204 સુધી ગયો હતો. વિશ્વબજારમાં ચાલી રહેલા સખળડખલને પગલે ઇન્ડેક્સ 58,793 સુધી સરકી ગયો હતો. બીજી તરફ 115 પોઇન્ટના ઉછાળા સાથે બીએસઇ સેન્સેક્સ  59,106 પોઇન્ટ પર બંધ રહ્યો હતો. તો 38 પોઇન્ટના વધારા સાથે નિફટી પણ 17,398 ની સપાટીએ પહોંચી ગયો હતો. મહત્વનું છે કે આવતીકાલે મંગળવારના રોજ મહાવીર જયંતિ નિમિત્તે શેરબજાર બંધ રહેશે.

ઓટો સેક્ટરના શેર બમણી ગતિથી આગળ ભાગ્યા

તેજીના માહોલ વચ્ચે આજે બજારમાં ઓટો સેક્ટરના શેર બમણી ગતિથી આગળ રહ્યા હતા. જેની પાછળનું કારણ એ છે કે માર્ચ મહિનામાં કાર સહિતના વાહનોના વેચાણમાં વધારો આવ્યો હતો. પરિણામે હિરો મોટો કૉર્પ, બજાજ ઓટો અને મારુતિના શેર મોખરે રહ્યા હતા. વધુમાં ગત શુક્રવારે પણ ભારતીય શેરબજારમાં તેજી જોવા મળી હતી અને મોટા ભાગના શેર વધારા સાથે બંધ થયા હતા. શુક્રવારે સેન્સેક્સ 1031 પોઇન્ટ વધીને 58,991 પર અટક્યો હતો.તો નિફટી 279 પોઇન્ટના વધારા સાથે 17359 પર બંધ રહ્યો હતો.

આ શેરમાં થઈ વધઘટ

આજે હીરો મોટોમાં 3.60 ટકા, કોલ ઇન્ડિયામાં ત્રણ ટકા, બજાજ ઓટોમાં 2.80 ટકા અને maruti suzuki ના શેરમાં 2.50 ટકાની તેજી જોવા મળી હતી. તો BPCL માં 4.2 ટકા, અદાણી ઇસ્ટમાં 2 ટકા અને એપોલો હોસ્પમા 1.77 ટકા તો ઇન્ફોસીસ માં 1.30 ટકાનો ઘટાડો જોવા મળ્યો હતો.