મંગળવારે આવનાર 5 રાજ્યોના વિધાનસભાના પરિણામ પહેલા શેરબજારમાં કડાકો જોવા મળ્યો. સપ્તાહના પ્રારંભના દિવસે સેન્સેક્સમાં 560 પોઇન્ટનો ઘટાડો જોવા મળ્યો. સેન્સેક્સ 560 પોઇન્ટના ઘટાડા સાથે 35 113.03 પર કારોબાર કરતો જોવા મળ્યો જ્યારે નિફ્ટી 178 પોઇન્ટના ઘટાડા સાથે 10 515ના સ્તર પર જોવા મળી.
ઉલ્લેખનીય છે કે ચૂંટણી પરિણામ પહેલા એક્ઝિટ પોલના તારણમાં ભાજપનો સફાયો જ્યારે કોંગ્રેસની સરકાર બનતી હોય તેવા આંકડાઓ સામે આવ્યાં છે. શેરબજારમાં બેન્કિંગ સેકટરમાં સતત વેચવાલી જોવા મળી રહી છે.
જે સ્ટોકમાં વધારે વેચવાલી જોવા મળી તે એક્સિસ બેંક ઇન્ડસ્લેન્ડ બેંક પાવર ગ્રિડ ઓએનજીસી એચડીએફસી બેંક આઇટીસી એલએન્ડટી ટાટા સ્ટીલ એનટીપીસી એસબીઆઇએન હીરો મોટરકોર્પ વગેરે છે.
જો કે ગત સપ્તાહના અંતિમ દિવસે સેન્સેક્સ 361 પોઇન્ટની મજૂબતાઇ સાથે 35 673 પર બંધ જોવા મળ્યો હતો. જ્યારે નિફ્ટી 92 પોઇન્ટની તેજી સાથે 10 693 પોઇન્ટ પર બંધ જોવા મળી હતી. તો ગુરૂવારે પણ સેન્સેક્સ નેગેટીવ કારોબાર સાથે બંધ જોવા મળ્યો હતો.