ફાર્મા કંપની એસ્ટ્રાજેનેકા અને ઓક્સફોર્ડ યુનિવર્સિટીની રસીનાં હ્યુમન ટ્રાયલમાં એક વ્યક્તિ બિમાર પડતા પરિક્ષણ રોકી દેવામાં આવ્યું છે. આ સમાચારને કારણે અમેરિકા અને યુરોપીય શેર માર્કેટ બજારોમાં ભારે કડાકો જોવા મળ્યો છે.
બેંચમાર્ક ઈન્ડેક્સ ડાઓ જોંસ મંગળવારે 632 અંક ઘટીને બંધ થયો
ટેક્નોલોજી શેર વાળા ઈન્ડેક્સ નેસ્ડેકમાં 4 ટકા જેટલો ઘટાડો નોંધાયો
ભારતીય શેર બજારના પ્રમુખ બેંચમાર્ક ઈન્ડેક્સ સેંસેક્સ અને નિફ્ટીમાં ઝડપથી ઘટાડો આવ્યો
અમેરિકન શેર માર્કેટના પ્રમુખ બેંચમાર્ક ઈન્ડેક્સ ડાઓ જોંસ મંગળવારે 632 અંક ઘટીને બંધ થયો છે. ત્યારે ટેક્નોલોજી શેર વાળા ઈન્ડેક્સ નેસ્ડેકમાં 4 ટકા જેટલો ઘટાડો નોંધાયો છે. એક્સપર્ટનું કહેવું છે કે આ સંકેતોની અસર ઘરેલુ શેર માર્કેટ પર જોવા મળશે. ભારતીય શેર બજારના પ્રમુખ બેંચમાર્ક ઈન્ડેક્સ સેંસેક્સ અને નિફ્ટીમાં ઝડપથી ઘટાડો આવ્યો છે.
એશિયાના બજારોમાં ભારે કડાકો
અમેરિકન શેર બજારમાં કડાકાને કારણે એશિયાના બજારોમાં ઝડપથી વેચાણ જોવા મળ્યુ હતું. જાપાનનો બેંચમાર્ક ઈન્ડેક્સ નિક્કેઈ 1.50 ટકા ઘટી 22922ની સ્તર પર આવી ગયો છે. ચીનના બેંચમાર્ક ઈન્ડેક્સ શંઘાઈ 1.30 ટકા ઘટીને 3273ના સ્તર પર છે.
ભારત પર પડશે મોટી અસર
એક્સપર્ટનું કહેવું છે કે ચીન અને ભારતની વચ્ચે ટેન્શન ચાલી રહ્યું છે. તેના કારણે ભારતના બજારોમાં દબાણ જોવા મળી રહ્યું છે. હવે આ સમાચારથી ઝડપથી ઘટાડો નોંધાવાની શંકા સેવાઈ રહી છે. જોકે સારા સમાચાર એ છે કે ક્રુડના ભાવમાં ઘટાડો નોંધાયો છે.
એસ્ટ્રાજેનોકાએ કહ્યું કે આ એક રુટિન બ્રેક છે. કેમ કે પરિક્ષણમાં ભાગ લેનાર વ્યક્તિની બિમારી વિશે હજું સુધી કંઈ સમજમાં નથી આવ્યું. ઓક્સફોર્ડ યુનિવર્સિટીમાં રસીના ટ્રાયલ પર પુરી દુનિયાની નજર છે. ત્યારે આવું બીજીવાર થયું છે કે રસીનું પરિક્ષણ રોકવામાં આવ્યું છે. જો કે થોડાક સમય બાદ ટ્રાયલ ફરી શરુ થશે.