તેજી / શેરબજારમાં આટલા પોઈન્ટના ઉછાળાથી રોકાણકારો ખુશખુશાલ; IT સેક્ટરમાં તેજી

શેરબજાર ઉપર રૂપિયો પણ ડોલર સામે 75.01ની સપાટીએ બંધ રહ્યો હતો જે 27 માર્ચ પછીના સૌથી સારા આંકડા છે. 

હ્યુમન ટ્રાયલ્સમાં સારું પ્રદર્શન કરતી હોવાથી વિશ્વભરમાં આશાઓનું કિરણ

Pfizer અને જર્મનીની BioNTech કંપની દ્વારા શોધાયેલ રસી હ્યુમન ટ્રાયલ્સમાં સારું પ્રદર્શન કરતી હોવાથી વિશ્વભરમાં આશાઓનું કિરણ ફેલાયું છે. દેશમાં 6 લાખથી વધુ કેસ હોવા છતાં બજારની માનસિકતા પ્રમાણે લોકો સકારાત્મક અનુભવી રહ્યા છે. 

IT સેક્ટરના સ્ટોક્સમાં ઉછાળો નોંધાયો

USના ડેમોક્રેટિક પાર્ટીના પ્રેસિડેન્ટના ઉમેદવાર જોઈ બાઇડને જાહેરાત કરી છે કે જો તેઓ ચૂંટણી જીતશે તો તેઓ ભારતીય IT પ્રોફેશનલ્સ માટે અગત્યના જે H-1B વિઝાને રદ કર્યા છે તે પ્રતિબંધ હટાવી લેશે. IT સેક્ટરના સ્ટોક્સમાં આ અહેવાલોથી ઉછાળો નોંધાયો હતો. TCS અને Infosysમાં 3%નો ઉછાળો નોંધાયો હતો.

ભારતીય શેરબજાર આજે વૈશ્વિક બજારના પગલે ચાલ્યું છે

આ મુદ્દે નિષ્ણાતોએ જણાવ્યું હતું કે ભારતીય શેરબજાર આજે વૈશ્વિક બજારના પગલે ચાલ્યું છે અને અંતમાં સૌને ફાયદો થયો છે. આ ઉછાળા માટે IT એન્ડ ઓટો સેક્ટર જવાબદાર છે. વૈશ્વિક બજારોમાં રસીના સફળ ટ્રાયલને પગલે આશાનો માહોલ છે. આ ઉપરાંત વૈશ્વિક બજારો અમેરિકાના રોજગારીના આંકડા સામે મીટ માંડીને બેઠા છે જેથી વૈશ્વિક અર્થતંત્રની સ્થિતિ જાણી શકાય. આમ છતાં રોકાણકારો સાવચેતી જાળવે તે જરૂરી છે. રોકાણકરો શોર્ટ ટર્મ પ્રોફિટ બુક કરી શકે છે.