કોરોના સંકટ બાદ શેરબજાર ધીમે ધીમે સુધારાની ગતિએ છે. માર્ચ અને એપ્રિલ મહિના કરતા 60% સુધારો છે. જો કે ઘણા શેર એવા છે જેમની કિંમત કોરોના મહામારી દરમિયાન ત્રણ ગણી વધી ગઈ છે.
શેરબજારમાં એવા શેર છે જેમના છેલ્લા બે દાયકામાં લાખોપતિ રોકાણકારને કરોડોપતિ બનાવી દીધો. આ શેરોમાં છેલ્લા બે દાયકામાં અધધ 1.7 લાખ ટકા જેટલો ઉછાળો થયો છે. 2008ની મંદીમાં સમગ્ર દુનિયાનું બજાર ક્રેશ થઈ ગયું હતું. ત્યાર બાદ આ શેરની કિંમત સતત વધી છે. આવો જાણીએ એવા કેટલાક શેર વિષે!
બજાજ ફાઇનાન્સે 1.25 લાખ ટકાનું રિટર્ન આપ્યું
લગભગ 54 શેરો એવા છે જેણે છેલ્લા બે દાયકામાં રોકાણકારોના નાણાંમાં પુરા 100 ગણો વધારો કર્યો છે. સૌથી શ્રેષ્ઠ પ્રદર્શન કરતા શેરમાં તો રોકાણકારોના નાણાં લગભગ 1 લાખ ગણા વધ્યા છે. સિમ્ફનીના શેરમાં છેલ્લા બે દાયકામાં 1.71 લાખ % (1700 ગણું વધુ) નું રિટર્ન મળ્યું છે. એ જ રીતે, છેલ્લા 20 વર્ષોમાં, બાલકૃષ્ણ ઇન્ડસ્ટ્રીઝે 1.52 લાખ % (1500 ગણું વધુ) અને બજાજ ફાઇનાન્સને 1.25 લાખ % (1250 ગણું વધુ) રિટર્ન મળ્યું છે.
બીજા શબ્દોમાં કહીએ તો 2000ની સાલમાં જો તમે આ કંપનીઓમાં 1 લાખનું રોકાણ કર્યું હોત, તો આજે તેમનું મૂલ્ય 17 કરોડની નજીક હોત.
કંપનીઓનું પ્રદર્શન
આ કંપનીઓના પ્રદર્શન વિશે વાત કરીએ તો નાણાકીય વર્ષ 2005માં સિમ્ફનીની આવક 24 કરોડ હતી જે વધીને 1100 કરોડ થઈ છે. બજાજ ફાઇનાન્સનો ગ્રોસ સેલ 210 કરોડથી વધીને 26000 કરોડ થયો છે. બાલકૃષ્ણ ઇન્ડસ્ટ્રીઝ 620 કરોડથી 4811 કરોડ પર પહોંચી ગઈ છે.
નિષ્ણાતો માને છે કે આમાંના ઘણા એવા શેરો છે જે હજી વધુ ઉછળશે. ICICI સિક્યુરિટીએ પણ બાલકૃષ્ણ ઇન્ડસ્ટ્રીઝ માટે બાય કોલ આપ્યો છે. શેર હાલમાં તેની સર્વાધિક ટોચની સપાટીએ ટ્રેડ કરી રહ્યો છે. એ જ રીતે, HDFC સિક્યોરિટીઝે બજાજ ફાઇનાન્સ માટે બાય કોલ આપ્યો છે.
આઈશર મોટર્સે આ બે દાયકામાં 93 હજાર ટકા (930 ગણું) રિટર્ન આપ્યું છે.
વિનતી ઓર્ગેનિક્સએ 80 હજાર ટકા (આશરે 800 ગણું)
અતુલ લિમિટેડે 57 હજાર ટકા (570 ગણું)
JSW સ્ટીલે 49 હજાર ટકા (490 ગણું)
ટાઇટને 45 હજાર ટકા (450 ગણું) અને રત્નમણી મેટલ્સ એન્ડ ટ્યુબ્ઝે 43 હજાર ટકા (430 ગણું) રિટર્ન આપ્યું છે.
આ છે લિસ્ટના મોટા નામો
આ ઉપરાંત Havells India
Balaji Amines
Kotak Mahindra Bank
Avanti Feeds
Deepak Nitrite
DFM Foods
Voltas
Kirloskar Industries
Hindustan Zinc
NGL Fine-Chem જેવા શેરોએ છેલ્લા બે દાયકામાં શાનદાર પ્રદર્શન કર્યું છે. જો આ કંપનીઓમાં 2000ની સાલમાં 1 લાખનું રોકાણ કર્યું હોત તો આજે તેનું મૂલ્ય 2 કરોડથી વધારે હોત.