અઠવાડિયાના ત્રીજા દિવસે એટલે કે બુધવારે શેરબજારમાં તેજી જોવા મળી છે. બોમ્બે સ્ટોક એક્સચેન્જનો પ્રમુખ ઇંડેક્સ સેન્સેક્સ 1.57 ટકા વાધારા સાથે 531.35 પોઇન્ટ સાથે 34,356.88ની સપાટી પર ખુલ્યો. આ સાથે જ નેશનલ સ્ટોક એક્સચેન્જનો નિફ્ટીમાં પણ તેજી જોવા મળી. નિફ્ટી 1.63 ટકાના ઉછાળા સાથે 162.75 પોઇન્ટ સાથે 10141.85ની સપાટી ઉપર ખુલી.
દિગ્ગજ શેરની પરિસ્થિતિ
દિગ્ગજ શેરની વાત કરીએ તો આજે ટીસીએસ સિવાયના બધા શેર ગ્રીન ઝોનમાં ખુલ્યાં. જેમાં બજાજ ફાયનાન્સ, એક્સિસ બેંક, બ્રિટાનિયા, એચડીએફસી બેંક, ટાટા મોટર્સ, આઇસીઆઇસીઆઇ બેંક, ઇંડસેંડ બેંક, બજાજ ફિન્સર્વ, ઝી લિમિટેડ, અને ગેલ સામેલ છે.
વિશ્વના માર્કેટ વધીને થયા બંધ
મંગળવારના રોજ વિશ્વના બધા માર્કેટ વધીને બંધ જોવા મળ્યાં હતાં. જેની અસર સ્થાનિક માર્કેટ પર જોવા મળી. અમેરિકાનું ડાઉનજોન્સ 1.05 ટકા વધારા સાથે બંધ જોવા મળ્યું. જ્યારે નેસ્ડેક 0.59 ટકા વધારા સાથે બંધ થયું હતું. એસએન્ડપી 0.82 ટકા સાથે બંધ થયું. જ્યારે ચીનનું શંઘાઇ કમ્પોઝિટ 0.34 ટકા સાથે બંધ જોવા મળ્યું. આ સાથે ઇટાલી, જર્મની અને ફ્રાંસનું સ્ટોક માર્કેટ પણ વધારા સાથે બંધ થયું.
સેક્ટોરિયલ ઇંડેક્સ પર નજર
સેક્ટોરિયલ ઇંડેક્સ પર નજર કરીએ તો આઝે બધા સેકટર ગ્રીન ઝોનમાં ખુલ્યાં. જેમાં ઓટો, મીડિયા, ફાર્મા, રિયલ્ટી, બેંક, પ્રાઇવેટ બેંક, મેટલ, આઈટી, FMCG અને પીએસયુ બેંક સામેલ છે.
મંગળવારના રોજ ગ્રીન ઝોન પર થયું હતું બંધ
મંગળવારના રોજ સેન્સેક્સ 1.57 ટકાની તેજી સાથે 522.01 પોઇન્ટ સાથે 33825.53 ની સપાટી પર બંધ થયું હતું. જ્યારે નિફ્ટી 1.56 ટકા વધીને 152.95 પોઇન્ટ ઉપર 9979.10ની સપાટી પર બંધ જોવા મળ્યું હતું.