અઠવાડિયાના અંતિમ કારોબારના દિવસે શેરબજારમાં રોનક પરત ફરી અને સવારે ગ્રીન ઝોનમાં ખુલ્યું છે. સવારે બોમ્બે સ્ટોક એકસચેંજનો પ્રમુખ ઇંડેક્સ સેન્સેક્સ 218.73 પોઇન્ટ (0.64 ટકા) ઉપર સાથે 34199.43 ના સ્તર પર જોવા મળ્યો. જ્યારે નેશનલ સ્ટોક એક્સચેંજનો નિફટી 0.88 ટકા એટલે કે 88.20 પોઇન્ટના વધારે સાથે 10117.30 પોઇન્ટ પર જોવા મળ્યો.
ગ્લોબલ કારણોના કારણે કારોબાર દિવસ એટલે કે ગુરુવારના રોજ શેર બજારના વધારા પર બ્રેક લાગી હતી. જો કે એકવાર ફરી શેરબજારમાં ફરી રોનક લાગી છે. અઠવાડિયાના અંતિમ દિવસે ભારતમાં શેર બજારની વધારા સાથે શરૂઆત થઇ છે.
વિશ્વના માર્કેટ વધીને થયા બંધ
ગુરૂવારના રોજ વિશ્વના બધા માર્કેટ ઘટાડા સાથે બંધ જોવા મળ્યાં હતાં. જેની અસર સ્થાનિક માર્કેટ પર જોવા મળી. અમેરિકાનું ડાઉનજોન્સ 0.05 ટકા વધારા સાથે 11.93 પોઇન્ટ ઉપર 26,281.80 પર બંધ થયું હતું. જ્યારે નેસ્ડેક 0.69 ટકા વધારા સાથે 67.10 પોઇન્ટના ઘટાડા સાથે 9,615.81 પર બંધ થયું હતું. એસએન્ડપી 0.34 ટકા ઘટાડા સાથે બંધ થયું. જ્યારે ચીનનું શંઘાઇ કમ્પોઝિટ 0.14 ટકા સાથે બંધ જોવા મળ્યું. આ સાથે ઇટાલી, જર્મની અને ફ્રાંસનું સ્ટોક માર્કેટ પણ ઘટાડા સાથે બંધ થયું.
દિગ્ગજ શેરની પરિસ્થિતિ
દિગ્ગજ શેરની વાત કરીએ તો આજે ટાટા મોટર્સ, ઇંફ્રાટેલ, ટાટા સ્ટીલ, બજાજ ફાઇનાન્સ, જેએસડબ્લ્યું સ્ટીલ, સન ફાર્મા, એસબીઆઇ, એક્સિસ બેંક અને હિંડાલ્કો શેર ગ્રીન ઝોનમાં ખુલ્યાં. જ્યારે બીપીસીએલ, પાવર ગ્રીડ, ઇન્ફોસિસ અને એનટીપી શેર રેડ ઝોનમાં ખુલ્યાં.
સેક્ટોરિયલ ઇંડેકસ પર નજર
સેક્ટોરિયલ ઇંડેક્સ પર નજર નાંખીએ તો આજે રિયલ્ટી સિવાય બધા સેકટર ગ્રીન ઝોન પર ખુલ્યાં. જેમાં મીડિયા, ઓટો, પ્રાઇવેટ બેંક, ફાર્મા, બેંક, મેટલ, આઇટી, એફએમસીજી અને પીએસયુ બેંક સામેલ છે.
રિલાયન્સ શેરમાં જોવા મળ્યો વધારો
આજે રિલાયન્સના શેરમાં જોરદાર વધારો જોવા મળ્યો. 1595ના સ્તર પર ખુલ્યાં પછી 25.70 પોઇન્ટ ઉપર 1605.50 સ્તર પર પહોંચેલો જોવા મળ્યો. જ્યારે ગત કારોબારના દિવસે 1579.80 પર બંધ થયો હતો.