અઠવાડિયાના પહેલા કારોબારી દિવસ સોમવારે શેર બજારની શરૂઆત તેજી સાથે જોવા મળી છે. બોમ્બે સ્ટોક એક્સચેંજનો પ્રમુખ ઇંડેક્સ સેન્સેક્સ 299.02 પોઇન્ટ એટલે કે 0.83 ટકા ઉપર 36,320.44 સ્તર પર ખુલ્યો. જ્યારે નેશનલ સ્ટોક એક્સચેંજની નિફ્ટી 0.98 ટકા એટલે કે 103.90 પોઇન્ટના વધારે સાથે 10,711.25ના સ્તર પર ખુલ્યો.
દિગ્ગજ શેરની પરિસ્થિતિ
શેર બજારમાં દિગ્ગજ શેરની વાત કરીએ તો ગેલ અને હિંદુસ્તાન યૂનિલીવર સિવાય બધી કંપનીઓના શેર ગ્રીન ઝોનમાં ખૂલ્યાં. દિગ્ગજ શેરની વાત કરીએ તો આઇટીસી, જેએસડબ્લ્યુ સ્ટીલ, એનટીપીસી, અલ્ટ્રાટેક સિમેંટ, એમ એન્ડ એમ, ગ્રાસિમ, અદાણી પોર્ટ, એચડીએફસી બેંક અને હીરો મોટોકોર્પ સામેલ છે.
સેકટોરિયલ ઇંડેક્સ પર નજર
સેક્ટોરિયલ ઇંડેકસ પર નજર નાંખીએ તો આજે બધા સેક્ટર ગ્રીન ઝોન પર ખુલ્યાં. જેમાં મીડિયા, એફએમસીજી, ફાર્મા,ઑટો, મેટલ, બેંક, પ્રાઇવેટ બેંક, આઇટી અને પીએસયુ બેંક સામેલ છે.
ગત અઠવાડિયે વધારા સાથે બંધ થયું હતું શેરબજાર
ગત અઠવાડિયાના અંતિમ દિવસે શેર બજાર વધારા સાથે બંધ થયેલું જોવા મળ્યું હતું. સેન્સેક્સ 0.50 ટકા તેજી સાથે 177.72 પોઇન્ટ ઉપર 36021.42 સ્તર પર બંધ થયું હતું. જ્યારે નિફ્ટી 0.53 વધીને 55.65 પોઇન્ટ ઉપર 10,607.35 સ્તર પર બંધ થયું હતું.