માર્કેટ મજામાં / શેરબજાર ખૂલતાંની સાથે જ રોકેટની જેમ ઉછળ્યો સેન્સેક્સ, નિફ્ટીએ પણ આપ્યા ગુડ ન્યૂઝ

• શેર માર્કેટમાં આજે સારો દેખાવ
• રિટેલ શેરમાં જબરદસ્ત ઉછાળો 
• જોઈ લો સેન્સેક્સ અને નિફ્ટીની શું છે હાલત

કાલે દેખાયેલી તેજી આજે પણ ચાલું છે અને ભારતીય શેર બજારમાં સારો એવો ઉછાળો આવ્યો છે, બૈંકીંગ, આઈટી, મેટલ, એફએમસીજી, રિટેલ શેરમાં ઉછાળાના દમ પર શેર બજારમાં આજે વધારો નોંધાયો છે. ભારતી એરટેલના ઉછાળાથી બજારમાં ભારે મદદ મળી છે.

કેવી રીતે ખુલ્યુ બજાર

આજના ટ્રેડિંગમાં શરૂઆતી ઝડપ પર થઈ અને એનએસઈનું નિફ્ટી 58.90 પોઈન્ટના ઉછાળા બાદ 0.36 ટકા ઉપર 16318 પર ખુલ્યો છે. તો વળી બીએસઈ સેંસેક્સ 236 પોઈન્ટનો ઉછાળો અથવા 0.44 ટકા ઉપર ચડ્યા બાદ 54554ના લેવલ પર ખુલવામાં સફળ રહ્યું હતું.

સેક્ટરવાર કેવો રહ્યો બિઝનેસ

મેટલ અને પીએસયુ બેંકોમાં હવે લાલ નિશાનમાં બિઝનેસ દેખાઈ રહ્યો છે અને આ ઉપરાંત બાકી તમામ સેક્ટોરિયલ ઈંડેક્સ ઉછાળાના લીલા નિશાન સાથે બિઝનેસ કરી રહ્યા છે. ફાર્મામાં 1.16 ટકા અને ફાઈનાન્સિયલ શેરમાં 0.87 ટકાનો ઉછાળો જોવા મળ્યો હતો.

આજના ચડતા શેર

આજે ભારતી એરટેલ નિફ્ટીના ટોપ ગેનર છે અને તેમાં 1.80 ટકાનો ઉછાળો આવેલો છે. સન ફાર્મા 1.52 ટકા અને આયશર મોટર્સ 1.5 ટકા ઉપર ચડીને બિઝનેસ કરી રહ્યા છે. સિપ્લામાં 1.42 ટકા અને બજાજ ફાઈનાન્સમાં 1.38 ટકાની મજબૂતી સાથે બિઝનેસ કરી રહ્યું છે. 

આજના નિચે આવનારા શેર

જેએસડબલ્યૂ સ્ટીલ 1.07 ટકા અને પાવર ગ્રિડ 1.05 ટકાના ધબડકા પર છે. એનટીપીસી 0.93 ટકા અને કોલ ઈંડિયા 0.62 ટકા નીચે આવ્યા છે. ટાટા સ્ટીલમાં 0.61 ટકાની નબળાઈ સાથે બિઝનેસ દેખાઈ રહ્યો છે. 

નિફ્ટીની હાલત

નિફ્ટીમાં આજે 50માંથી 37 શેરોમાં ઉછાળા સાથે 13 શેરોમાં પછડાટના લાલ નિશાન સાથે બિઝનેસ થઈ રહ્યો છે બેંક નિફ્ટીમાં 215 પોઈન્ટના વધારા સાથે 34517ના લેવલ પર બિઝનેસ દેખાઈ રહ્યો છે.