સ્ટોક માર્કેટ / શેર બજારમાં ફરી રોકાણકારોના પૈસાનો ધુમાડો, સેન્સેક્સ 300 અંક તૂટયો, આ સેક્ટર સિવાય તમામ ઢેર

સપ્તાહના છેલ્લા ટ્રેડિંગ દિવસે આજે એટલે કે 8 નવેમ્બરે સેન્સેક્સ 300થી વધુ પોઈન્ટના ઘટાડા સાથે 79,200 ના સ્તર પર ટ્રેડ કરી રહ્યો છે. નિફ્ટીમાં પણ 70 પોઈન્ટનો ઘટાડો જોવા મળી રહ્યો છે, તે 24,130 ના સ્તર પર કારોબાર કરી રહ્યો છે. સેન્સેક્સના 30 શેરોમાંથી 23 ઘટી રહ્યા છે અને 7માં તેજી છે. નિફ્ટીના 50 શેરોમાંથી 36 ઘટી રહ્યા છે અને 14માં તેજી છે. આઈટી સેક્ટર સિવાય એનએસઈના તમામ ક્ષેત્રીય સૂચકાંકો ઘટાડા સાથે ટ્રેડ થઈ રહ્યા છે.

વિદેશી રોકાણકારોએ ₹4,888.77 કરોડના શેર વેચ્યા

એશિયન માર્કેટમાં જાપાનના નિક્કીમાં 0.34%ની તેજી છે, જ્યારે કોરિયાનો કોસ્પી 0.54% અને ચીનનો શાંઘાઈ કમ્પોઝિટ 0.15%ના વધારા સાથે કારોબાર કરી રહ્યો છે. 7 નવેમ્બરના રોજ, યુએસ ડાઉ જોન્સ ઇન્ડસ્ટ્રિયલ એવરેજ 0.0013% ઘટીને 43,729 પર અને S&P 500 0.74% વધીને 5,973 પર બંધ થયો. Nasdaq 1.51% વધીને 19,269 પર બંધ થયો. NSEના ડેટા અનુસાર, વિદેશી રોકાણકારો (FII)એ 7 નવેમ્બરના રોજ ₹4,888.77 કરોડના શેર વેચ્યા. આ દરમિયાન, સ્થાનિક રોકાણકારો (DII) એ ₹1,786.70 કરોડના શેર ખરીદ્યા હતા.

આ પણ વાંચો: 3 રૂપિયાનો શેર બન્યો દેશનો સૌથી મોંઘો શેર, 3 લાખને ઓળંગી ગયો, રોકાણકારોને બખ્ખાં

કાલે ઘટાડા સાથે બંધ થયું હતું બજાર

આ પહેલા ગઈકાલે એટલે કે 7 નવેમ્બરે સેન્સેક્સ 836 પોઈન્ટના ઘટાડા સાથે 79,541ના સ્તરે બંધ થયો હતો. નિફ્ટી પણ 284 પોઈન્ટ ઘટીને 24,199ના સ્તરે બંધ રહ્યો હતો. સેન્સેક્સના 30 શેરોમાંથી 29માં ઘટાડો અને 1માં તેજી હતી. નિફ્ટીના 50 શેરોમાંથી 46માં ઘટાડો અને 4માં તેજી હતી. NSEના તમામ ક્ષેત્રીય સૂચકાંકો ઘટાડા સાથે બંધ થયા છે. મેટલ સેક્ટરમાં સૌથી વધુ 2.73%નો ઘટાડો નોંધાયો હતો.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ