શેર માર્કેટ / શેરબજાર ધડામ: સેન્સેક્સમાં 550 પોઈન્ટનું ગાબડું, નિફ્ટી પણ 22 હજાર પોઇન્ટથી નીચે

ભારતીય શેરબજારમાં આજે એટલે કે 29મી મેના રોજ લાલ નિશાન પર ટ્રેડિંગ શરૂ થયું હતું અને સેન્સેક્સ અને નિફ્ટી ઘટાડા સાથે ખુલ્યા છે. BSE સેન્સેક્સ 416.1 પોઈન્ટ ઘટીને 74,754.35 પર ખુલ્યો જ્યારે NSE નિફ્ટી 125.9 પોઈન્ટ 0.55% ઘટીને 22,762.25 પર ખુલ્યો હતો.

એ બાદ પણ ઘટાડાનો આ ટ્રેન્ડ ચાલુ રહ્યો અને આ સમાચાર લખાઈ રહ્યા છે ત્યાં સુધીમાં BSE સેન્સેક્સ 563 પોઈન્ટના ઘટાડા સાથે74,606 પર ટ્રેડ કરી રહ્યો છે.

આજે સવારે એશિયન બજારોમાં દક્ષિણ કોરિયાનો કોસ્પી, હોંગકોંગનો હેંગસેંગ અને જાપાનનો નિક્કી પણ લાલ નિશાન પર ટ્રેડ કરી રહ્યો છે. જોકે ચીનનો શાંઘાઈ કમ્પોઝિટ નફામાં કારોબાર કરતો જોવા મળ્યો હતો. આ સિવાય મંગળવારે અમેરિકન બજારો મિશ્ર વલણ સાથે બંધ થયા હતા, જેના કારણે ભારતીય શેરબજાર આજે ઘટાડા સાથે ખૂલ્યું હતું.

વધુ વાંચો: જાહેર ચેતવણી! પાનકાર્ડ અને આધારકાર્ડ લિન્ક ન કર્યું તો થશે મોટું નુકસાન, ઈન્કમ ટેક્સ વિભાગે આપી ડેડલાઇન

અગાઉ 23 મેના રોજ સેન્સેક્સ 75,499ના સ્તરે પહોંચ્યો ત્યારે શેરબજારે નવો રેકોર્ડ બનાવ્યો હતો. જો કે, તે પહેલા, સેન્સેક્સનો ઓલ ટાઈમ હાઈ 75,124 હતો, જે બજારે 9 એપ્રિલે બનાવ્યો હતો. તે જ દિવસે નિફ્ટી 22,993ના સ્તરને સ્પર્શ્યો હતો, જે અગાઉના 22,794ના ઉચ્ચ સ્તરે હતો.