શેરબજારમાં આજે જોરદાર તેજી જોવા મળી રહી છે અને ગઈ કાલના ઘટાડા બાદ આજે ગેપઅપ ઓપનિંગના સંકેત પ્રી-ઓપનિંગમાં દેખાઈ રહ્યાં છે. જ્યારે બજાર ખુલ્યું ત્યારે સેન્સેક્સ 58,900ને પાર કરી ગયું હતું અને શરૂઆતના કારોબારમાં જ નિફ્ટીએ 17,600ની સપાટી વટાવી દીધી હતી.
જાણો આજે બજાર કેવી રીતે ખુલ્યું?
શેરબજારમાં આજે મોટા ઉછાળા સાથે કારોબારની શરૂઆત થઈ ગઇ છે. NSE નો નિફ્ટી 69.60 પોઈન્ટ અથવા 0.40 ટકાના વધારા સાથે 17,599.90 પર ખુલ્યો અને BSE સેન્સેક્સ 334.37 પોઈન્ટ વધીને 58,910.74 પર ખુલ્યો છે. બજાર ખુલ્યાની 15 મિનિટની અંદર એટલે કે 9:30 વાગ્યે નિફ્ટીમાં 116.10 અંક એટલે કે 0.66 ટકાના ઉછાળા બાદ 17,646 પર વેપાર ટ્રેડ થતો જોવા મળી રહ્યો છે.
નિફ્ટીમાં કેવો ચાલી રહ્યો છે વેપાર?
આજના ટ્રેડિંગ સેશનમાં, નિફ્ટીના 50 માંથી 46 શેરોમાં તેજીના લીલા નિશાનમાં કારોબાર થઈ રહ્યો છે અને માત્ર 4 શેર ઘટાડાના લાલ નિશાનમાં કારોબાર થઈ રહ્યો છે. બેન્ક નિફ્ટીમાં 151.10 પોઈન્ટ અથવા 0.40 ટકાની મજબૂતી બાદ 37,898 ના સ્તર પર કારોબાર જોવા મળી રહ્યો છે. નિફ્ટીએ આજના ઓપનિંગ ટ્રેડમાં 17,651ની ઉંચી સપાટી બનાવી છે.
આ શેર રહ્યાં ફાયદામાં
JSW સ્ટીલ 2.65 ટકાથી ઉપર તો ONGC માં 2.52 ટકાની તેજી છે. અપોલો હોસ્પિટલમાં 2 ટકાનો ઉછાળો અને UPL માં 1.72 ટકાનો વધારો જોવા મળી રહ્યો છે. ટાટા સ્ટીલ 1.67 ટકાની ઊંચાઈ સાથે કારોબાર કરી રહ્યો છે.
આ શેરોમાં ઘટાડો
આજે નિફ્ટીના ઘટતા શેરોમાં ડૉ. રેડ્ડીઝ લૈબ્સ 1.39 ટકાના ઘટાડા પર છે અને એશિયન પેઇન્ટ્સ 0.49 ટકા ઘટ્યા છે. ટાઇટનમાં 0.19 ટકાની નબળાઈ છે અને સિપ્લાનો શેર 0.05 ટકાના મામૂલી ઘટાડા સાથે ટ્રેડ થઈ રહ્યો છે.
પ્રી-ઓપનિંગમાં માર્કેટની ચાલ
આજે બજાર ખુલે તે પહેલાં BSE સેન્સેક્સ 334.37 પોઈન્ટ અથવા 0.57 ટકાના ઉછાળા સાથે 58,910.74 પર ટ્રેડ કરી રહ્યો હતો અને NSEનો નિફ્ટી 69.60 પોઈન્ટ અથવા 0.40 ટકાના વધારા સાથે 17,599.90 પર ટ્રેડ કરી રહ્યો હતો.
જાણો ગઈ કાલે બજારમાં કારોબાર કેવો રહ્યો?
30 શેર પર આધારિત સેન્સેક્સ 388.20 પોઈન્ટ્સ એટલે કે 0.66 ટકાના ઘટાડા સાથે 58,576.37 પર બંધ થયો હતો અને નેશનલ સ્ટોક એક્સચેન્જનો નિફ્ટી પણ 144.65 પોઈન્ટ્સ અથવા 0.82 ટકાના ઘટાડા સાથે 17,530.30 પર બંધ થયો હતો.