ઘરેલુ માર્કેટમાં આજે તેજી જોવા મળી રહી છે અને તેના લીધે સેનસેક્સ અને નિફ્ટીએ પણ ઊંચો કૂદકો માર્યો છે. શરૂઆતી ટ્રેડમાં જ સેનસેક્સ 59800નાં આંકડા સર કરી ગયો છે.
સેંસેક્સ અને નિફ્ટીમાં જોરદાર ઉછાળો
શરૂઆતમાં જ આંકડો 59800ને પાર
30માંથી 23 શેરોમાં છે ઉછાળો
ભારતીય શેરબજારની આજે દમદાર શરૂઆત થઇ ચૂકી છે અને સેંસેક્સમાં શરૂઆતી ટ્રેડ આશરે 350 અંક વધ્યો છે જ્યારે નિફ્ટીમાં પણ આજે 100 અંકોનો ઊછાળો જોવા મળી રહ્યો છે. બેંક અને ઓટો શેરના શેરોમાં વધારાની સાથે આજે કારોબાર થઇ રહ્યો છે. અને કાલે બજાર બંધ બાદ આજે સ્ટોક માર્કેટમાં ઘણો ઉત્સાહ જોવા મળી રહ્યો છે.
કેવી રીતે ખુલી આજે માર્કેટ
આજે શેર બજારની ઓપનિંગમાં બીએસઇનાં 30 શેરોવાળાં સેંસેક્સ 248 આંકથી ઊંચે જતાંની સાથે જ 59792 પર ખુલ્યું છે. તો એનએસઇના 50 શેરોવાળો ઇંડેક્સ નિફ્ટી 115.05 આંક એટલે કે 0.65%ના વધારાની સાથે 17771 પર શરૂ થયું છે.
Sensex climbs 415.98 points to 59,959.94 in early trade; Nifty advances 127.55 points to 17,783.90
શરૂઆતનાં 20 મીનિટનમાં સેંસેક્સ-નિફ્ટીની સ્થિતિ
માર્કેટ ખુલ્યાની 20 મીનિટમાં જ સેંસેક્સે 59900નો લેવલ પાર કરી લીધો હતો અને 60000નાં આંકડાની નજીક આવી ગયો છે. આ સમયે સેંસેક્સ 381.34 અંક એટલે કે 0.64%ના જોરદાર વધારાની સાથે 59925નાં સ્તર પર કારોબાર કરી રહ્યું છે. નિફ્ટી ઓપનિંગ 116 અંકની તેજીની સાથે 17773નાં લેવલ પર કારોબાર કરી રહ્યું છે.
સેક્ટોરિયલ ઇન્ડેક્સની સ્થિતિ
બેંક નિફ્ટીનાં આજે જોરદાર વધારો જોવા મળે છે અને આઇટીને છોડીને બાકીના બધાં જ સેક્ટોરિયસ ઇન્ડેક્સમાં તેજીનો માહોલ છે. મેટલ શેરોમાં 2.26% નાં વધારો છે અને રિયલટી શેરમાં 1.20%નો વધારો છે. કંઝ્યૂમર ડ્યૂરેબલ્સમાં 1.10%નો વધારો નોંધાઇ રહ્યો છે. ઓઇલ એન્ડ ગેસનાં શેરમાં 1% જેટલો ઊછાળો છે.
આજનાં વધતાં શેરો
આજે સેંસેક્સમાં 30માંથી 23 શેરોમાં ઊછાળો જોવા મળી રહ્યો છે અને બાકીના 7 શેરોમાં લાલ નિશાની દેખાઇ રહી છે. વધનારા શેરોમાં ટાઇટન ટોપ ગેનર, ટાટા સ્ટીલ, સન ફાર્મા, ડો.રેડ્ડીઝ લેબ્સ, એચડીએફસી, કોટક મહિન્દ્રા બેંકની સાથે ભારતીય એરટેલ સૌથી ઉપર છે. એમએન્ડએમ, ઇન્ડસઇન્ડ, એક્સિસ બેંક, રિલાયન્સ ઇન્ડસ્ટ્રીઝ, એચડીએફસી બેંક, પાવરગ્રિડ, આઇસીઆઇસીઆઇ બેંક ,એસબીઆઇ, ટેક મહિન્દ્રા, એશન પેઇન્ટ્સ, નેસ્લે, વિપ્રો, અલ્ટ્રાટેક, ટીસીએસ વગેરેમાં વધારો જોવા મળી રહ્યો છે.
આજે ઘટી રહેલા સ્ટોક્સ
આઇટીસી, એનટીપીસી, એચયૂએલ, બજાજ ફિનસર્વ, બજાજ ફાઇનાન્સ, ઇંફોસિસ, મારૂતુ સુઝુકી અને એચસીએસ ટેકમાં ઘટાડો જોવા મળી રહ્યો છે.