અઠવાડિયાના છેલ્લા કારોબારી દિવસે શેર બજાર રેડ ઝોન પર જોવા મળ્યું છે. બોમ્બે સ્ટોક એક્સચેન્જનો પ્રમુખ ઇન્ડેક્સ સેન્સેક્સ 98.50 પોઇન્ટ એટલે કે 0.24 ટકાના ઘટાડા સાથે 41,031.67ના સ્તર પર ખુલ્યો. જ્યારે નેશનલ સ્ટોક એક્સચેન્જનો નિફ્ટી 22.30 પોઇન્ટ એટલે કે 0.18 ટકાના ઘટાડાના બાદ 12,128.85ના સ્તર પર ખુલ્યો.
કેવી રહી દિગ્ગજ શેરની સ્થિતિ
શેરબજાર આજરોજ રેડઝોનમાં ખુલતાની સાથે પ્રમુખ શેરની વાત કરવામાં આવે તે યસ બેંક, જી લિમિટેડ, બીપીસીએલ, અદાણી પોર્ટસ, ગેલ, અલ્ટ્રાટેક સીમેન્ટ, ભારતી એરટેલ, સિપ્લા, વિપ્રો અને કોલ ઇન્ડિયાના શેરમાં તેજી જોવા મળી. જ્યારે જે શેરમાં નરમાશ જોવા મળી તેમાં ઈન્ફ્રાટેલ, યૂપીએલ, હિન્દુસ્તાન યૂનિલીવર, ICICI બેંક, રિલાયન્સ, SBI, વેદાંતા લિમિટેડ અને L&T સામેલ છે.
સેકટર પ્રમાણે ઇન્ડેક્સ પર નજર
સેક્ટોરિયલ ઇન્ડેક્સ પર નજર નાંખીએ તો એફએમસીજી, આઇટી, મેટલ, ઓટો અને પ્રાઇવેટ બેંકના શેર રેડ ઝોન પર ખુલ્યાં. જ્યારે મીડિયા, રિયાલ્ટી, ફાર્મા અને પીએસયુ બેંકના શેર ગ્રીન ઝોનમાં ખૂલ્યાં.
પ્રી ઓપન દરમિયાન આ હાલત હતી શેરમાર્કેટની
પ્રી-ઓપન દરમિયાન 9.12 વાગે શેર માર્કેટ સપાટ કારોબાર પર હતું. સેન્સેક્સ 8.09 પોઇન્ટ એટલે કે 0.02 ટકાના વધારા પછી 41,138.26 પોઇન્ટ પરહતું. જ્યારે નિફ્ટી 4.95 પોઇન્ટ એટલે કે 0.04 ટકાના ઘટાડા બાદ 12,146.20 સ્તર પર જોવા મળ્યું હતું.
71.61 ના સ્તર પર ખુલ્યો રૂપિયો
ડોલરની સરખામણીએ આજ રૂપિયો સપાટ 71.61 સપાટી પર ખુલ્યો. ગત કારોબારના દિવસે ડોલરના મુકાબલે રૂપિયે 71.60 પોઇન્ટ પર બંધ થયો હતો.
ગુરૂવારે 41,130.17 પર બંધ થયો હતો સેન્સેક્સ
ગુરૂવારના રોજ શેર બજાર ગ્રીન ઝોન પર બંધ જોવા મળ્યો હતો. સેન્સેક્સ 109.56 પોઇન્ટ એટલે કે 0.27 ટકા વધીને 41,130.17 ના સ્તર પર બંધ થયો હતો. જ્યારે નિફ્ટી 53.60 અંક એટલે કે 0.44 ટકા વધારા બાદ 12,154.30 સ્તર પર બંધ જોવા મળી હતી.