Stock Market / લીલા નિશાન પર ખૂલ્યો સેન્સેક્સ, ફરી માર્કેટમાં તેજી, નિફ્ટી 17,500 ને વટાવી ગયો

 પોઝિટિવ ગ્લોબલ સંકેતો વચ્ચે આજે ભારતીય સૂચકાંકોમાં તેજી જોવા મળી રહી છે. શેરબજારમાં લીલા નિશાન પર વેપાર શરૂ થયો હતો. બીએસઈના 30 શેરોવાળા સેન્સેક્સ 200 પોઈન્ટના ઉછાળા સાથે ખુલ્યા છે, જ્યારે એનએસઈનો નિફ્ટી પણ વધારા સાથે 17500 ના સ્તરને પાર કરી ગયો છે. સેન્સેક્સ 202.10 પોઈન્ટ અથવા 0.34 ટકા વધીને 58,851.78 પર અને નિફ્ટી 57.40 પોઈન્ટ અથવા 0.33 ટકા વધીને 17527.20 પર છે.

આ શેરોમાં ઉછાળ જોવા મળ્યો 

ટ્રેડિંગ શરૂ થતાં જ લગભગ 1409 શેર વધ્યા, 359 શેર ઘટ્યા અને 73 શેર યથાવત રહ્યા હતા. આ સમયગાળા દરમિયાન, M&M, BPCL, એશિયન પેઇન્ટ્સ, રિલાયન્સ ઇન્ડસ્ટ્રીઝ અને અલ્ટ્રાટેક સિમેન્ટ નિફ્ટી પર મુખ્ય ગેનર હતા, જ્યારે TCS, હિન્દાલ્કો, HDFC બેન્ક, ડિવિસ લેબ્સ અને ટેક મહિન્દ્રા ખોટ જોઈ રહ્યા છે.

બુધવારે બજાર મજબૂત ઉછાળા સાથે બંધ 
બુધવારે કારોબારના અંતે બીએસઈના 30 શેરો વાળા પ્રમુખ ઈન્ડેક્સ સેન્સેક્સ 1016.03 પોઈન્ટ અથવા 1.76 ટકાના ઉછાળા સાથે 58,649.68 ના સ્તર પર બંધ થયા છે. બીજી તરફ, NSE નો નિફ્ટી પણ લીલા નિશાન પર ટ્રેડિંગ કરતી વખતે 293.05 પોઈન્ટ અને 1.71 ટકાના વધારા સાથે 17,469.75 ના સ્તરે બંધ રહ્યો હતો.