શેર બજાર / 2020માં શેરબજારમાં શું થશે? જાણો જ્યોતિષના મતે કયા શેર લેવા અને કયા વેચવા

• શેરબજારમાં આ સપ્તાહે બજારમાં મોટી વેચવાલી આવી શકે
• શરૂઆતના દિવસોમાં સોના-ચાંજીમાં મોટી વધઘટ જોવા મળે
• બજારમાં નફારૂપી લેવાલી નીકળતાં ભાવ મજબૂત જોવા મળી શકે

આ સપ્તાહમાં બુધ અને સૂર્યના રાહુ સાથેના ક્રાંતિસામ્ય અને ચરણાત્મક વેધ, કુદરતી હોનારત, ધરતીકંપ, રાજકીય અરાજકતા, તોફાન, આતંકવાદી, ત્રાસવાદી ગતિવિધિ વધુ જોર પકડી શકે છે. આ સપ્તાહમાં શનિ પશ્ચિમમાં અસ્ત થાય છે. આ ગ્રહયોગો આ સપ્તાહમાં બજારની કેવી ચાલ બતાવશે તે આપણે જોઇએ

શેરબજારઃ મિત્રો, ઉપરોક્ત ગ્રહયોગોનો અભ્યાસ કરતાં શેરબજારમાં આ સપ્તાહના શરૂઆતના દિવસોમાં અચાનક કોઇ મોટાં કારણો આવતાં બજારમાં મોટી વેચવાલી આવી શકે છે. માટે આ સપ્તાહની શરૂઆતના દિવસથી બજારમાં વેચાણ કરતાં જવું. બજારમાં દરેક ભાવે વેચાણ કરી શકાય તેવી રીતે વેપાર ગોઠવવો. સપ્તાહના મધ્યના દિવસો સુધી બજારમાં મંદીનો વેપાર ગોઠવી શકાય. આ દિવસોમાં એક કે બે દિવસ ઝડપી અને મોટી વેચવાલી જોવા મળી શકે છે. 

આ સપ્તાહના અંતિમ દિવસોમાં નફો બુક કરતાં જવો હિતાવહ છે, આ દિવસોમાં બજારમાં નફારૂપી લેવાલી નીકળતાં ભાવ મજબૂત જોવા મળી શકે તેમાં નફો બુક કરતાં જવો પણ લાંબા સમય માટેનો તેજીનો વેેપાર કરવો હિતાવહ નથી. એકંદરે આ સપ્તાહમાં શરૂઆતના દિવસોમાં અને મધ્યના દિવસોમાં બજારમાં વેચવાલી આવતાં નરમ બજાર જોવા મળે. આ સપ્તાહમાં ફાર્મા, રિલાયન્સ, બેન્ક, સ્ટીલ, ઓટો સેક્ટરમાં મોટી વધઘટ જોવા મળી શકે.

સોના-ચાંદીઃ આ સપ્તાહની શરૂઆત સોના-ચાંદી હાજર અને વાયદામાં સામાન્ય મજબૂતીથી થાય પણ આ શરૂઆતના દિવસોમાં બંને ‌કીમતી ધાતુમાં વેચાણ કરતાં જવું લાભદાયી થઇ શકે છે અને શરૂઆતના દિવસોમાં બંને કીમતી ધાતુમાં મોટી વધઘટ જોવા મળે. સોના-ચાંદી વાયદા અને હાજરમાં આ સપ્તાહના શરૂઆતના દિવસોથી જ બજારમાં દરેક ભાવે વેચાણ કરતાં જવું. દરેક શરૂઆતના દિવસથી જ નરમ ધ્યાન રાખીને વેપાર કરવો. આ સપ્તાહના શરૂઆતના દિવસોમાં અને મધ્ય દિવસોમાં ચાંદીમાં મોટી અને ઝડપી વેચવાલી આવી શકે છે. સપ્તાહના મધ્યના દિવસો સુધી વેચીને વેપાર કરવો લાભદાયી થઇ શકે છે. સોના-ચાંદીમાં દરેક ઉછાળે વેચવાલી આવી શકે છે. એકંદરે આ સપ્તાહમાં સોના-ચાંદીમાં નરમાઇના યોગો છે. આ દિવસોમાં એકાદ દિવસ મોટી વેચવાલી આવી શકે છે.

ક્રૂડ ઓઇલઃ મિત્રો, ક્રૂડઓઇલમાં આ સપ્તાહની શરૂઆત મજબૂતીના ટોન સાથે થઇ શકે છે. આ સપ્તાહના શરૂઆતના દિવસથી સ્ટોક કરીને તેજીનો વેપાર ગોઠવવાથી લાભ મેળવી શકો છો. આ સપ્તાહના શરૂઆતના દિવસોમાં દરેક ભાવે સ્ટોક કરી તેજીનો વેપાર ગોઠવતાં જવો. આ સપ્તાહના મધ્ય સુધીના દિવસો સુધી સ્ટોક દરેક ભાવે કરી શકાય તેવી રીતે વેપાર કરવો. કોઇ દિવસ સાંકડી વધઘટ બતાવી શકે છે. 

આ સપ્તાહમાં શરૂઆતના દિવસોથી મજબૂત ધ્યાન રાખીને વેપાર કરવો. સપ્તાહના અંતિમ દિવસો સુધી તેજીનો વેપાર રાખી શકાય. સપ્તાહના અંતિમ દિવસો ફોરેન માર્કેટમાં નવી લેવાલી આવતાં અહીંના બજારમાં પણ મજબૂત ભાવ જોવા મળી શકે છે. આ સપ્તાહમાં ક્રૂડઓઇલમાં ફોરેન બજારમાં નવી લેવાલી નીકળતાં ભાવમાં સારો ઉછાળો આવી શકે છે. એકંદરે આ સપ્તાહમાં ક્રૂડઓઇલમાં વધઘટે મજબૂતી જોવા મળે.

એરંડા-દિવેલઃ મિત્રો, આ સપ્તાહમાં તેલ, એરંડા અને દિવેલ વાયદા અને હાજરમાં સપ્તાહની શરૂઆત મજબૂત ભાવથી ખૂલીને થઇ શકે છે. તેલમાં સારી તેજી આ સપ્તાહમાં જોવા મળી શકે છે. આ સપ્તાહમાં તેલ, તેલી‌બિયાં, કપા‌સિયા, એરંડા, દિવેલ, તેલમાં મજબૂત ધ્યાન રાખીને વેપાર દરેક ભાવે કરવો. આ દિવસોમાં એકાદ સારો તેજીનો ઉછાળો આવી શકે છે. કપા‌સિયા, એરંડા અને દિવેલ, તેલમાં આ સપ્તાહમાં ફોરેન માર્કેટમાં નવી લેવાલી આવતાં અહીંના બજાર અને માર્કેટયાર્ડમાં પણ ભાવમાં મજબૂતી જોવા મળે. એકંદરે આ સપ્તાહમાં બજાર મજબૂતી તરફી રહી શકે છે.

કપાસ-રૂઃ કપાસ અને કોટન હાજર અને વાયદામાં આ સપ્તાહની શરૂઆત સામાન્ય વધઘટ કે સાંકડી વધઘટથી થાય અને શરૂઆતના દિવસોથી નવી માગ નીકળતાં બજારમાં મજબૂત ભાવ જોવા મળે. માલની અછતના સમાચાર આવતાં પણ બજારમાં મજબૂતી જોવા મળે પણ સપ્તાહની શરૂઆતથી દરેક ભાવે સ્ટોક કરી વેપાર ગોઠવવો. 

કોઇ દિવસ બજારમાં સાંકડી વધઘટ બતાવે તો પણ મંદીનો વેપાર કરવો નહીં. તેજીનો વેપાર દરેક ભાવે ગોઠવવો. સપ્તાહના મધ્યના દિવસો સુધી સ્ટોક કરી શકાય તેવી રીતે વેપાર કરવો. સપ્તાહના અંતિમ દિવસોમાં ફોરેન બજારમાં કપાસ અને કોટનમાં નવી લેવાલી આવતાં અહીંના સ્થાનિક બજારમાં પણ મજબૂત ભાવ જોવા મળે.