લોંગ ટર્મમાં જોરદાર રિટર્ન / 4 રૂપિયાથી ઊછળીને રૂ.900ને પાર થઈ ગયો આ કંપનીનો શેર, એક લાખના રોકાણ કર્યું તેમને સામે બે કરોડ મળ્યા!

• ગોદરેજ ગ્રુપની કંઝ્યુમર પ્રોડક્ટસ કંપનીના શેરોએ આપ્યું જોરદાર વળતર
• શેરની કિંમતે રોકાણકારોને કરોડપતિ બનાવી દીધા
• શેર કાલે 968.05 રૂપિયા પર બંધ થયો

શેર બજારમાં ગોદરેજ ગ્રુપની કંઝ્યુમર પ્રોડક્ટસ કંપનીએ રોકાણકારોને જોરદાર વળતર આપ્યું છે. ગોદરેજ કન્ઝ્યુમર પ્રોડક્ટના શેર લેનાર રોકાણકારોને કંપનીના શેરની કિંમતે કરોડપતિ બનાવી દીધા છે. શુક્રવારે શેર માર્કેટ મોજમાં હોય તેમ જોરદાર મજબૂતી જોવા મળી હતી. જેના ભાગરૂપે ગોદરેજ કંપનીનો આ શેર વર્ષના ટોચના સ્થાને પહોંચ્યો હતો. ગઈકાલે આ શેર માં 52 વિકનો હાઈ જોવા મળ્યો હતો. જોકે સાંજ સુધી આ વધારો જળવાયો ન હતો અને 0.18 ટકા તેંજી સાથે 968.05 રૂપિયા પર તે બંધ થયો હતો. જો માર્કેટ એક્સપર્ટનું માનીએ તો આ શેર 12 ટકા સુધી ઉછળી શકે છે.

લાંબા ગાળે મજબૂત વળતર

ગોદરેજ કન્ઝ્યુમર પ્રોડક્ટ્સના બિઝનેસમાં પણ તેજીમો સંચાર થયો છે. પરિણામે નાણાકીય વર્ષ 2020 થી 2023 ની વચ્ચે બિઝનેસ ડબલ ડિજિટમાં વધ્યો છે. નાણાકીય વર્ષ 2017 અને 2022 ની વચ્ચે, તેનું રિટર્ન ઑફ કેપિટલ ગેઈન વેચાણ 52 ટકાથી વધીને 57 ટકા થયું છે. શેરના કિંમતની વાત કરવામાં આવે તો ગોદરેજ કંપનીના શેર 22 જૂન, 2001ના રોજ રૂ.4.12 ની કિંમત હતી. તેમાં સતત વધારા સાથે હવે રૂ.968ના સ્તરે પહોંચી ગયો છે. છેલ્લા 22 વર્ષમાં 23404 ટકા વધ્યો છે.

હજુ પણ કિમંત ઊંચકાશે
ગઈકાલે શુક્રવારે તેણે રૂ. 972.65ની ઇન્ટ્રાડે હાઈ બનાવી હતી. જેને પગલે હવે રોકાણકારે 2001માં આ શેરમાં રૂ. 1 લાખનું રોકાણ કર્યું હોત, તો તેનું રોકાણ 22 વર્ષથી ઓછા સમયમાં રૂ. 2.35 કરોડમાં ફેરવાઈ ગયું છે. જો કે, લોન્ગ ટર્મ પ્રોફિટ સાથે ટૂંકા ગાળામાં પણ આ શેરે રોકાણકારોને જબરું વળતર અપાવ્યું છે. 30 માર્ચ, 2022ના રોજ આ સ્ટોક રૂ. 699.75 પર હતો. હવે તે 900નો આંકડો પાર કરી ગયો છે. એટલે કે છેલ્લા એક વર્ષમાં આ શેરે તેના રોકાણકારોને 39 ટકા જેટલુ વળતર આપ્યું છે. હજુ પણ નિષ્ણાતો એવું કહી રહ્યા છે કે  આગામી દિવસોમાં આ સ્ટૉક ઊંચો જશે.