બિઝનેસ / શેરબજાર સતત બીજા દિવસે તૂટ્યું, સેન્સેક્સમાં 213 પોઈન્ટનો ઘટાડો, નિફ્ટી 23603 પર બંધ

શેરબજાર આજે ઘટાડા સાથે બંધ થયું છે. સેન્સેક્સ 213 પોઈન્ટ ઘટ્યો, નિફ્ટી 23,603 પર બંધ થયો હતો. આજના ટ્રેડિંગમાં સીસીએલ પ્રોડક્ટ્સના શેરમાં 4.5%નો ઘટાડો જોવા મળ્યો. કંપનીના નિરાશાજનક ત્રીજા ક્વાર્ટર પરિણામો પછી 6 ફેબ્રુઆરીના કંપનીનો શેર 650 રૂપિયા પ્રતિ શેરના ઇન્ટ્રાડે નીચા સ્તરે પહોંચી ગયો છે.

ગ્લોબલ સંકેતો વચ્ચે ગુરુવારે સ્થાનિક શેરબજાર પણ ઘટાડા સાથે બંધ થયું. બોમ્બે સ્ટોક એક્સચેન્જ (BSE) સેન્સેક્સ 6 ફેબ્રુઆરીના 213.12 પોઈન્ટ ઘટીને 78,058.16 પર બંધ થયો. નેશનલ સ્ટોક એક્સચેન્જ (NSE)નો નિફ્ટી પણ 92.95 પોઈન્ટ ઘટીને 23,603.35 ના સ્તરે બંધ થયો. આજના કારોબારમાં ફાર્મા, આઇટી, ખાનગી બેંક સિવાય અન્ય તમામ ક્ષેત્રીય સૂચકાંકોમાં ઘટાડો થયો હતો. જ્યારે ઓટો, એફએમસીજી, રિયલ્ટી, કન્ઝ્યુમર ડ્યુરેબલ્સ 1-2 ટકા ઘટ્યા હતા, જ્યારે મેટલ, પીએસયુ બેંક, ઉર્જા, મીડિયા, ઓઇલ અને ગેસ 0.4-0.8 ટકા ઘટ્યા હતા.

કોણ સૌથી વધુ ગગડ્યુ અને કોણ સૌથી વધુ ઊઠ્યું

નિફ્ટી મિડકેપ ઇન્ડેક્સ 1.2 ટકા અને સ્મોલકેપ ઇન્ડેક્સ 0.3 ટકા ઘટ્યો. નિફ્ટીમાં ટ્રેન્ટ, ભારત ઇલેક્ટ્રોનિક્સ, ભારતી એરટેલ, ટાઇટન કંપની, એનટીપીસી સૌથી વધુ ઘટ્યા હતા, જ્યારે સિપ્લા, અદાણી પોર્ટ્સ, ઇન્ફોસિસ, ડૉ. રેડ્ડીઝ લેબ્સ, ટાટા કન્ઝ્યુમરના શેરમાં વધારો જોવા મળ્યો હતો.

એશિયન બજારોમાં આજનો ટ્રેન્ડ

મોટી કંપનીઓના નફાના અહેવાલો બાદ વોલ સ્ટ્રીટમાં વધારો થયા બાદ ગુરુવારે વૈશ્વિક શેરબજારોમાં તેજી જોવા મળી હતી. એશિયામાં જાપાનનો બેન્ચમાર્ક નિક્કી 225 0.6% વધીને 39,066.53 પર બંધ થયો. ઓસ્ટ્રેલિયાનો S&P/ASX 200 1.2% વધીને 8,520.70 પર પહોંચ્યો. દક્ષિણ કોરિયાનો કોસ્પી 1.1% વધીને 2,536.75 પર પહોંચ્યો. હોંગકોંગનો હેંગ સેંગ 1.4% વધીને 20,891.62 પર પહોંચ્યો, જ્યારે શાંઘાઈ કમ્પોઝિટ 1.3% વધીને 3,270.66 પર પહોંચ્યો.

આ પણ વાંચોઃ અમદાવાદ સહિત 10 શહેરોમાં આજે સોનાના ભાવ વધ્યા, શું આ વર્ષમાં ગોલ્ડ થશે સસ્તું?

શરૂઆતના વેપારમાં ફ્રાન્સનો CAC 40 0.3% વધીને 7,912.19 પર બંધ રહ્યો હતો, જ્યારે જર્મનીનો DAX 0.7% વધીને 21,710.10 પર બંધ રહ્યો હતો. બ્રિટનનો FTSE 100 0.8% વધીને 8,694.89 પર બંધ રહ્યો. યુએસ શેરબજારમાં વધારો થવાની ધારણા છે, કારણ કે ડાઉ ફ્યુચર્સ 0.1% વધીને 45,059.00 પર પહોંચ્યો છે. S&P 500 ફ્યુચર્સ 0.1% વધીને 6,093.75 પર પહોંચ્યા હતા.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ