બિઝનેસ / ડબલ ફાયદો! એક વર્ષમાં શેરના ભાવ થયા દોઢ ગણા, હવે કંપની આપી રહી છે 3 મફત શેર

Bonus Share: વી-માર્ટ રિટેલ લિમિટેડે રોકાણકારોને બોનસ શેર આપવાની જાહેરાત કરી છે. કંપનીએ કહ્યું છે કે એક શેર પર 3 શેર બોનસ તરીકે આપવામાં આવશે. કંપની પહેલીવાર રોકાણકારોને બોનસ શેર આપવા જઈ રહી છે. ચાલો આ બોનસ ઇશ્યૂ વિશે વિગતવાર જાણીએ.

દરેક શેર પર 3 શેરનો લાભ

એક્સચેન્જને આપવામાં આવેલી માહિતીમાં કંપનીએ જણાવ્યું છે કે દસ રૂપિયાના ફેસ વેલ્યુવાળા એક શેર પર 3 શેર બોનસ તરીકે વહેંચવામાં આવશે. આ બોનસ શેર વિશે કંપની દ્વારા 2 મેના એક્સચેન્જને માહિતી શેર કરવામાં આવી હતી. પરંતુ રેકોર્ડ તારીખ હજુ સુધી જાહેર કરવામાં આવી નથી.

વી-માર્ટ રિટેલ લિમિટેડ પહેલીવાર એક્સ-બોનસ ટ્રેડિંગ કરી રહી છે. અગાઉ કંપનીએ રોકાણકારોમાં ફક્ત ડિવિડન્ડ જ આપ્યું છે. બીએસઇના ઉપલબ્ધ ડેટા અનુસાર કંપનીએ 2013 માં રોકાણકારોને બોનસ શેર આપ્યા હતા. ત્યારબાદ લાયક રોકાણકારોને પ્રતિ શેર 1 રૂપિયાનો નફો મળ્યો હતો. કંપનીએ છેલ્લી વખત 2022 માં એક્સ-બોનસ ટ્રેડિંગ કર્યું હતું. ત્યારબાદ કંપનીએ દરેક શેર પર 75 પૈસા ડિવિડન્ડ આપ્યું હતું.

આ પણ વાંચોઃ બિઝનેસ / રોકાણકારોને કમાણીની તક! IPO લોન્ચ થયા પહેલા જ ગ્રે માર્કેટમાં 175 રૂપિયાનું પ્રીમિયમ

વી-માર્ટ રિટેલે શેરબજારમાં કેવું પ્રદર્શન કર્યું છે?

શુક્રવારે કંપનીના શેર 2 ટકા ઘટીને રૂ. 3404 પર બંધ થયા હતા. છેલ્લા 3 મહિના દરમિયાન, વી-માર્ટ રિટેલના શેરના ભાવમાં 5 ટકાનો વધારો થયો છે. કંપનીના શેરના ભાવ એક વર્ષમાં 51 ટકા વધ્યા છે. જ્યારે આ સમયગાળા દરમિયાન સેન્સેક્સ 11 ટકા વધ્યો છે. વી-માર્ટ રિટેલ લિમિટેડનો 52 અઠવાડિયાનો ઉચ્ચતમ સ્તર રૂ. 4517.30 છે અને 52 અઠવાડિયાનો નીચો સ્તર રૂ. 2058.70 છે. કંપનીનું માર્કેટ કેપ 6754 કરોડ રૂપિયા છે.

(DISCLAIMER: બિઝનેસને લગતો આ આર્ટિકલ ન્યૂઝ આધારિત છે જેમાં રિસ્કનું પ્રમાણ વધુ હોય શકે છે, કોઈ પણ જગ્યાએ રોકાણ કે બિઝનેસને લગતો વહીવટ કરતી વખતે એક વખત માર્કેટ નિષ્ણાંતની સલાહ લેવી જરૂરી છે, vtvgujarati.com કોઈ પણ મુશ્કેલી માટે બંધનકર્તા રહેશે નહીં જેની ખાસ નોંધ લેવી.)

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ