BIG NEWS / પ્રથમ ગ્રાસે મક્ષિકા જેવો ઘાટ, શેરબજારમાં કડાકો, સેન્સેક્સ ખુલતાની સાથે જ 1400થી વધુ પોઇન્ટે તૂટ્યો

• વૈશ્વિક બજારના નબળા સંકેતો બાદ સ્થાનિક શેરબજારમાં ઘટાડો  
• શુક્રવારના ટ્રેડિંગ સેશનમાં યુએસ માર્કેટ ખરાબ રીતે તૂટ્યું હતું
• પ્રી-ઓપન સેશન દરમિયાન સેન્સેક્સના તમામ 30 શેરો લાલ નિશાન સાથે ટ્રેડ થતા જોવા મળ્યા  

Sensex plunges 1400 points, currently trading at 52,881; Nifty down 413 points pic.twitter.com/l20X6mKheb

— ANI (@ANI) June 13, 2022

વૈશ્વિક બજારના નબળા સંકેતો બાદ સ્થાનિક શેરબજારમાં ઘટાડો  

વૈશ્વિક બજારના નબળા સંકેતો બાદ સ્થાનિક શેરબજારમાં ઘટાડો જોવા મળ્યો હતો. સપ્તાહના પ્રથમ ટ્રેડિંગ દિવસે 30 પોઈન્ટનો સેન્સેક્સ 1100 પોઈન્ટથી વધુના ઘટાડા સાથે 52,881 પોઈન્ટ પર ખુલ્યો હતો. જ્યારે નિફ્ટી 413 પોઈન્ટથી વધુ ઘટીને 15464.55ના સ્તરે ખુલ્યો હતો. પ્રી-ઓપન સેશન દરમિયાન સેન્સેક્સના તમામ 30 શેરો લાલ નિશાન સાથે ટ્રેડ થતા જોવા મળ્યા હતા.

US માર્કેટ પણ ડાઉન

બીજી તરફ વૈશ્વિક બજારમાં પણ ઘટાડો જોવા મળ્યો હતો. શુક્રવારના ટ્રેડિંગ સેશનમાં યુએસ માર્કેટ ખરાબ રીતે તૂટ્યું હતું અને ડાઉ જોન્સ 880 પોઈન્ટ તોડીને દિવસના નીચલા સ્તર પર બંધ થયો હતો. નાસ્ડેકમાં 3.5 ટકાનો ઘટાડો જોવા મળ્યો હતો. આઈટી, બેન્ક અને કન્ઝ્યુમર સ્ટોક્સ સહિત તમામ 11 સેક્ટરમાં વેચવાલીનું દબાણ હતું. આ સિવાય યુરોપિયન અને એશિયન માર્કેટમાં પણ ઘટાડો જોવા મળ્યો હતો.

શુક્રવારે શેરબજારની સ્થિતિ

આ પહેલા શુક્રવારે, સપ્તાહના છેલ્લા ટ્રેડિંગ દિવસે, સેન્સેક્સમાં 1016 પોઈન્ટનો ઘટાડો થયો હતો. ઓપન શેરબજાર શુક્રવારે ઘટ્યા બાદ દબાણ હેઠળ ટ્રેડ થયું હતું અને અંતે 1,016.84 પોઈન્ટ ઘટીને 54,303.44 પર બંધ થયું હતું. એ જ રીતે નેશનલ સ્ટોક એક્સચેન્જનો નિફ્ટી પણ 276.30 પોઈન્ટ ઘટીને 16,201.80 પર બંધ થયો હતો.