બિઝનેસ / શેરબજારમાં મંદીનું મોજું! કોરોના વિસ્ફોટની માર્કેટ પર માઠી અસર, સેન્સેક્સ 635 પોઇન્ટ ગગડ્યો

• ચીનમાં કોરોનાનાં કેસની અસર ભારત પર થઇ 
• સ્ટોક માર્કેટમાં થયો ભારે ઘટાડો
• Sensex આશરે 600 આંકથી નીચે 

દુનિયાભરમાં કોરોનાનાં કેસો એકાએક વધી રહયાં છે જેની અસર ભારતીય શેરબજાર પર જોવા મળી રહી છે. સપ્તાહનાં ત્રીજા કારોબારી દિવસ સ્ટોક માર્કેટ લીલી ઝંડી સાથે શરૂ થયું પરંતુ આ તેજી વધુ સમય સુધી ન રહી. જેમ-જેમ ચીન સહિત અન્ય દેશોમાં કોરોના બેકાબૂ બનવાની માહિતી આવી તેમ-તેમ આંક નીચ થતો ગયો અને અંતમાં બજારનાં બંને ઇન્ડેક્સનાં આંક ખરાબરીતે નીચે ઊતર્યાં છે.

કોરોનાનાં ડરથી તેજી ગાયબ
stock market બુધવારે લીલી ઝંડીથી શરૂ થયું હતું. સેન્સેક્સ લગભગ 290 અંકોની તેજીની સાથે 61992નાં લેવલ પર જ્યારે નિફ્ટી 50 અંકોની તેજી સાથે 18435 પર ખુલ્યું હતું. આ સાથે જ બેન્ક નિફ્ટીમાં 166 અંકોની તેજીની સાથે 43525 પર કારોબારની શરૂઆત કરી હતી. પરંતુ દુનિયામાં કોરોનાનાંકેસો વધવાની અસર રોકાણકારોનાં સેન્ટિમેન્ટ પર પડી અને શેર બજારમાં ઘટાડો શરૂ થઇ ગયો.

ઇનડેક્સમાં આટલો થયો ઘટાડો
કારોબાર પૂરો થતાં સેંસે્કસ 635.05 અંક કે 1.03% ઘટી 61,067નાં સ્તર  પર બંધ થયું. તો એનએસઇનાં નિફ્ટીમાં પણ જોરદાર ઘટાડો થયો છે. તે 179.70 અંકો કે 0.98% ઘટીને 18,205.60નાં સ્તર પર બંધ થયું.

સેન્સેક્સનાં 24 શેર લાલ નિશાના પર બંધ
બોમ્બે સ્ટોક એક્સચેન્જ કે ઇન્ડેક્સ સેન્સેક્સનાં 30માંથી 24 શેર લાલ નિશાના પર બંધ થયાં જ્યારે 6માં વધારો જોવા મળ્યો હતો. તેમાં સનફાર્મા, HCLtech,TECHM, TCS, Infosys, Wipro સમાવિષ્ટ છે. જ્યારે INDUSINDBK,MARUTI, TATAMOTORS, AXIS BANK, BAJFINANCE, SBIનાં નામ ટોપ લૂઝર્સમાં શામેલ છે.

નિવેશકોનાં 4 લાખ કરોડથી વધુનું થયું નુક્સાન
STOCK MARKETમાં થયેલા ભારે ઘટાડા બાદ ઇન્વેસ્ટર્સનાં આશરે 4 લાખ કરોડથી વધારે રૂપિયા ડૂબી ગયાં છે. છેલ્લા કારોબારી સત્ર મંગળવારે શેર બજાર બંધ થવા સુધી BSE માં લિસ્ટેજ કંપનીઓનું કુલ માર્કેટ કેપિટલાઇઝેશન 2,87,39,958.09 કરોડ રૂપિયા હતો જે બુધવારે 2,82,86,161.92 કરોડ રૂપિયામાં બંધ થયું.