હરિયાળી / શેર બજારમાં તેજીનું વાવાઝોડું, સેન્સેક્સમાં 400 અંકોનો ઉછાળો, આ શેરોમાં બમ્પર ભરતી

• શેરબજારમાં એકાએક તેજીનું વાવાઝોડું
• મંદીના માહોલ વચ્ચે મંગળવારે ભારે વેચવાલી
• સેંસેક્સમાં 418 પોઇન્ટનો જબરજસ્ત ઉછાળો

શેરબજારમાં મંદીના મહોલ બાદ આજે એકાએક તેજીનું વાવાઝોડું ફુંકાયું હતું. બે દિવસ મંદીના માહોલ વચ્ચે મંગળવારે ભારે વેચવાલી જોવા મળી, જેના કારણે માર્કેટ નવા રંગ રૂપ સાથે બેઠું થયું હતું. BSE સેંસેક્સમાં 418 પોઇન્ટનો જબરજસ્ત ઉછાળો આવ્યો હતો, આ ઉછાળાના લીધે માર્કેટે 63,143નો અંક કુદાવી દીધો હતો. આવી જ રીતે નિફ્ટીની વાત કરીએ તો તેમાં પણ તેજી આવતાં 18716નો આંકડો પાર કરી લીધો છે. બજારમાં આવેલી તેજી પાછળ IT, FMCG, મીડિયા, રિયલ્ટી સ્ટોક્સ જવાબદાર રહ્યાં હતા, આ શેરમાં વધારો આવ્યો હતો. ખાસ કરીને ટાટા ગ્રૂપ શેરમાં વધુ વેચવાલી જોવા મળી હતી. તો NSE પર નિફ્ટી રિયલ્ટી ઇન્ડેક્સમાં 3 ટકાનો વધારો જોવા મળ્યો હતો. 

આ શેરમાં રહી ઉતારચડાવ
નિફ્ટીમાં ટાટા કન્ઝ્યુમરનો શેરમાં સૌથી વધુ વેચવાલી જોવા મળી હતી. આ પહેલા સોમવારે BSE સેંસેક્સમાં 100 પોઇન્ટનો વધારો આવ્યો હતો, જેના કારણે 62,724 પર બંધ રહ્યું હતું. શેર બજારમાં નિફ્ટીના સ્ટોક્સમાં પ્લસમાં આવેલા શેરની વાત કરીએ તો ટાટા કન્ઝ્યુમર +2.50, એશિયન પેઇન્ટ +2.20, ટાઇટન +2.20 અને સિપ્લા +2.10 ટકાનો વધારો જોવા મળ્યો હતો. જ્યારે ઘટાડા સાથે બંધ થયેલા શેરની વાત કરીએ તો કોટક બેંક -1.40, HCL Tech -0.80, M&m -0.75 ટકા. વગેરે શેરમાં ઘટાડો જોવા મળ્યો હતો.