બિઝનેસ / શેરબજારમાં ભયંકર મંદી! નવ મહિનામાં પહેલી વખત BSEનું માર્કેટ કેપ 400 લાખ કરોડથી નીચે

Stock Market : શેરબજારને લઈ ફરી એકવાર અપડેટ સામે આવી છે. વાસ્તવમાં ભારતીય શેરબજારમાં તીવ્ર ઘટાડાને કારણે BSE લિસ્ટેડ કંપનીઓનું બજાર મૂડીકરણ પણ 9 મહિનાના નીચલા સ્તરે પહોંચી ગયું છે. જૂન પછી પહેલી વાર BSEનું બજાર મૂડીકરણ 400 લાખ કરોડ રૂપિયાથી નીચે આવી ગયું છે. ગયા વર્ષે 4 જૂને, BSEનું માર્કેટ કેપ 394 લાખ કરોડ રૂપિયા હતું. હાલમાં રોકાણકારોના પૈસા અથવા BSE માર્કેટ કેપ 398 લાખ કરોડ રૂપિયા છે. ગયા સત્રમાં તે 400 લાખ કરોડ રૂપિયા હતું. છેલ્લા 10 સત્રોમાંથી 9 સત્રોમાં બજાર ઘટાડા સાથે બંધ થયું.

મંગળવારે સેન્સેક્સ 29 પોઈન્ટ ઘટીને 75,967 પર અને નિફ્ટી 14.20 પોઈન્ટ ઘટીને 22,945 પર બંધ થયો. વર્ષ 2025 માં સેન્સેક્સ 2.78 % અને નિફ્ટીમાં 2.96 %નો ઘટાડો થયો છે. પરંતુ સ્મોલકેપ અને મિડકેપ શેરોમાં મોટો સુધારો જોવા મળ્યો છે. 2025માં BSE ઇન્ડેક્સ 20 ટકાથી વધુ ઘટ્યો છે.

શેરબજાર ક્યાં સુધી જઈ શકે છે?

જાણકારોના મતે જાન્યુઆરીના 22,800ના નીચલા સ્તરની નજીક નિફ્ટીની સ્થિરતાએ સંભવિત ઉછાળાની આશા ઉભી કરી છે. જોકે સતત નબળું પ્રદર્શન એક મોટી ચિંતાનો વિષય છે. આવા સમયે સારા અને મૂળભૂત રીતે મજબૂત શેરોમાં રોકાણ કરવું વધુ સારું છે. આ સાથે જાણકારો કહી રહ્યા છે કે, નિફ્ટીનો ટૂંકા ગાળાનો ટ્રેન્ડ હજુ પણ મંદીનો છે કારણ કે તે તેના મહત્વપૂર્ણ ટૂંકા ગાળાના મૂવિંગ એવરેજથી નીચે છે. સંભવિત રિવર્સલ સિગ્નલ 5-દિવસના EMA થી ઉપર ચાલ હશે, જે હાલમાં 23,020 ની આસપાસ છે. આ સ્તરથી ઉપર નિફ્ટી 23,235 તરફ પાછો ફરી શકે છે. તેનાથી વિપરીત 22,725 ની નીચેનો વિરામ ડાઉનટ્રેન્ડને સક્રિય કરી શકે છે.

નિષ્ણાતોના મતે નિફ્ટીમાં વધુ એક દિવસ અસ્થિરતા જોવા મળી કારણ કે ઇન્ડેક્સ સ્પષ્ટ દિશામાં આગળ વધવામાં નિષ્ફળ ગયો. ટૂંકા ગાળામાં નિફ્ટી 23,150 ની નીચે રહે ત્યાં સુધી 'સેલ ઓન એજ' મોડમાં રહી શકે છે. હાલમાં સપોર્ટ 22,800 પર છે, આ સ્તરથી નીચે જવાથી વધુ કરેક્શન થઈ શકે છે. પ્રતિકાર 23000 પર છે.

વધુ વાંચો : ઈન્કમ ટેક્સ બચવવા 31 માર્ચ પહેલા કરો ઈન્વેસ્ટમેન્ટ પ્લાનિંગ, આ રહી કર બચતની બેસ્ટ ફોર્મ્યુલા

નોંધનીય છે કે સેન્સેક્સનો સર્વકાલીન ઉચ્ચતમ સ્તર 85,978. 25 પોઈન્ટ હતો, જ્યાંથી ઇન્ડેક્સ લગભગ 14000 પોઈન્ટ ઘટ્યો છે. નિફ્ટી તેના ઉચ્ચ સ્તરથી લગભગ 3400 પોઈન્ટ ઘટી ગયો છે. તેનો અર્થ એ થયો કે સેન્સેક્સ અને નિફ્ટી બંને સૂચકાંકો તેમના 52 અઠવાડિયાના ઉચ્ચતમ સ્તરથી લગભગ 15 ટકા ઘટ્યા છે. લાર્જ કેપ ઇન્ડેક્સ પણ તેના ઉચ્ચ સ્તરથી લગભગ 15 ટકા ઘટ્યો છે, જ્યારે મંગળવારે ઘટાડા પછી મિડકેપ ઇન્ડેક્સ પણ તેના ઉચ્ચ સ્તરથી 20 ટકા ઘટ્યો છે, જ્યારે સ્મોલકેપ ઇન્ડેક્સ લગભગ 23 ટકા ઘટ્યો છે.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ