ઉત્તરપ્રદેશના કુખ્યાત ગેંગસ્ટર વિકાસ દુબેને આજે સવારે ઠાર મરાયો. પોલીસથી ભાગવાના ચક્કરમાં વિકાસ દુબેએ જિંદગીથી હાથ ધોવા પડ્યા. ઉત્તરપ્રદેશની સ્પેશીયલ ટાસ્ક ફોર્સે વિકાસ દુબે સાથેની અથડામણ મુદ્દે પ્રેસ નોટ બહાર પાડી છે. પરંતુ આ પ્રેસ નોટ આવ્યા બાદ હવે પોલીસના નિવેદનોમાં જ વિરોધાભાસ જોવા મળી રહ્યો છે.
વિકાસ દુબેના એન્કાઉન્ટર મુદ્દે ઉત્તરપ્રદેશ સ્પેશિયલ ટાક્સ ફોર્સે ખુલાસો કર્યો
ટાસ્ક ફોર્સ અનુસાર પશુઓ ગાડીની સામે આવી ગયા હતા
સવારે કાનપુર SSPએ આ જ મુદ્દે જુદું જ નિવેદન આપ્યું હતું
ગાય-ભેંસના ઝુંડના કારણે અકસ્માત
ઉત્તરપ્રદેશના ગેંગસ્ટર વિકાસ દુબેને એનકાઉન્ટર બાદથી જ ઘણા બધા લોકો સવાલો ઉઠાવી રહ્યા છે. સવારે વિકાસ દુબે ઠાર મારવામાં આવ્યો જેની વિસ્તૃત જાણકારી યુપી એસટીએફ દ્વારા આપવામાં આવી છે. છે. STFએ કહ્યું કે, વિકાસ દુબેને લઈને ઉત્તર પ્રદેશ આવી રહેલી ગાડી દુર્ઘટનાગ્રસ્ત થઈ હતી. STFના કાફલા સામે અચાનક ગાય-ભેંસનું ઝુંડ આવી ગયું જેના કારણે ડ્રાઈવરે અચાકન વળાંક લઈ લેતા અકસ્માત સર્જાયો હતો. આ દરમિયાન ગાડીમાં બેસેલા કેટલાક પોલીસકર્મીઓ ઘાયલ થયા.
વિકાસે અંધાધૂંધ ફાયરિંગ કરી
અકસ્માતનો લાભ લઈ વિકાસ દુબેએ પોલીસની રાયફલ લઈને ભાગવાની કોશિશ કરી. જે દરમિયાન અથડામણમાં વિકાસ દુબે માર્યો ગયો. ઉજ્જૈન મહાકાલ મંદિર બહારથી વિકાસ દુબેની ધરપકડ કરાઈ હતી. STFએ જણાવ્યું કે, વિકાસ દુબેને જીવતો પકડવાની પુરી કોશિશ કરાઈ. પરંતું તેની પાસે જે ગન હતી તેનાથી તેણે અંધાધૂંધ ફાયરિંગ કર્યં .જવાબમાં પોલીસે પણ ફાયરિંગ કરવું પડ્યું. વિકાસને ઈજાગ્રસ્ત થયા બાદ સરકારી હોસ્પિટલ પણ લઈ જવાયો હતો.પરંતુ ડોક્ટરે તેને મૃત જાહેર કર્યો.
STF દ્વારા સમગ્ર ઘટનાની વિસ્તૃત પ્રેસનોટ આપવામાં આવી છે પરંતુ પોલીસના જ નિવેદનમાં વિરોધાભાસ જોવા મળી રહ્યો છે કારણ કે સવારે જ્યારે ઘટના ઘટી તે વાળ કાનપુરના SSPએ ગાડી પલટાવાને લઈને જુદું જ નિવેદન આપ્યું હતું. SSP દિનેશ કુમાર પીએ જણાવ્યું હતું કે વિકાસ દુબેને જે કાફલામાં લાવવામાં આવી રહ્યો હતો તેની પાછળ ઘણી બધી ગાડીઓ લાગેલી હતી. આ જ કારણે પોલીસે ગાડીને વધુ સ્પીડમાં દોડાવી પડી. ધોધમાર વરસાદ પણ હતો જેના કારણે ગાડી પલટી ગઈ.
પોલીસના જ નિવેદનમાં વિરોધાભાસ
એસએસપી અનુસાર આ તકનો ફાયદો ઉઠાવીને વિકાસ દુબેએ ફરાર થવાનો પ્રયત્ન કર્યો. તેમણે કહ્યું કે અમારા એસટીએફનાં જવાન ગાડીને ફોલો કરી રહ્યા હતા જેમણે કોમ્બિંગ કર્યું અને તે દરમિયાન જ ફાયરિંગ થયું અને સેલ્ફ ડિફેન્સમાં વિકાસ દુબે પર ફાયરિંગ કરવામાં આવ્યું. વધુમાં જાણકારી આપતા તેમણે કહ્યું કે એન્કાઉન્ટર જેવું કંઈ હોતું નથી અમે ન્યાયિક પ્રક્રિયાને ફોલો કરીએ છે. વિકાસના જે પણ સાગરીતો હશે તે બધાની ધરપકડ કરવામાં આવશે.