નિવેદન / સ્ટીવ વૉની ટીમ ઇન્ડિયાને ચેતવણી, આ વખતે ઓસ્ટ્રેલિયા આવશો તો...

• સ્ટીવ વોએ કરી ભવિષ્યવાણી 
• ઓસ્ટ્રેલિયાની ધરતી પર ટીમ ઈન્ડિયા જીતી ન શકે 
• વર્ષ 2018નાં ભારતે ઓસ્ટ્રેલિયાને માત આપી હતી 

ઓસ્ટ્રેલિયાના પૂર્વ કેપ્ટન સ્ટીવ વોનું માનવું છે કે ભારતીય ટીમની બોલિંગ અત્યારે ભલે શાનદાર હોય પરંતુ આ વર્ષના અંતે થનાર ટેસ્ટમાં ભારતીય ખરાબ રીતે પરાજિત થશે. સ્ટીવનું માનવું છે કે ઓસ્ટ્રેલિયાની ટીમ વર્લ્ડની નંબર વન ટીમને પછાડી દેશે. જોકે નોંધનીય છે કે વિરાટ કોહલીની આગેવાનીમાં ટીમ ઈન્ડિયા 2018માં 71 વર્ષમાં પહેલીવાર ઓસ્ટ્રેલિયા સામે ટેસ્ટ સીરીઝ જીતી હતી. ભારતીય ટીમે ચાર મેચની ટેસ્ટ સીરીઝમાં ઓસ્ટ્રેલિયાને 2-1થી હરાવ્યું હતું.

સ્ટીવ વોએ કહ્યું કે જયારે ભારતમાં ક્રિકેટ રમવામાં આવે છે ત્યારે ટીમ ઈન્ડિયા પાસે દુનિયાના બેસ્ટ બોલિંગ યુનિટ રહે છે પરંતુ ઓસ્ટ્રેલિયાની જમીન પર ઓસ્ટ્રેલિયન બોલર્સ ખતરનાખ છે. ભારત ઓસ્ટ્રેલિયાની જમીન પર હશે ત્યારે ઓસ્ટ્રેલિયાને ખૂબ ફાયદો થશે. 

સ્ટીવે ભારતના બોલર જસપ્રીત બુમરાહના ખૂબ વખાણ પણ કર્યા હતા તેમણે કહ્યું કે બુમરાહ પાસે એક ખાસ ટેલેન્ટ છે. સાથે જ એમ પણ કહ્યું એ બુમરાહ અસાધારણ છે. સ્ટીવે કહ્યું કે 'બુમરાહે ટ્રેનીંગ ન લીધી તે સારું થયું કારણ કે તેમના કોચ તેમને ઝડપથી દોડવાની તાલીમ આપી દેત પરંતુ બુમરાહે તેને નેચરલ રહેવા દીધું જે શાનદાર છે. કોહલી ભાગ્યશાળી છે કે તેમની પાસે બુમરાહ જેવા બોલર છે. બુમરાહને ચેલેન્જ સ્વીકારી ગમે છે અને અટેકની આગેવાની કરવી પણ તેમને ગમે છે.'