ઇંગ્લેન્ડની વિરુદ્ધ પહેલી ટેસ્ટની બે ઇનિંન્ગમાં સેન્ચ્યુરી ફટકાર્યા બાદ બીજી ટેસ્ટમાં હાફ સેન્ચ્યુરી લગાવનાર સ્મિથ બે દિવસ પહેલા જ આઇસીસીની ટેસ્ટ રેંકિંગમાં વિરાટને પછાડીને પહેલું સ્થાન પ્રાપ્ત કર્યું છે.
ઓસ્ટ્રેલિયાનો સ્ટાર બેટ્સમેન અને પૂર્વ કેપ્ટન સ્ટીવ સ્મિથ માટે એશેજ સીરિઝ યાદગાર સાબિત થઇ રહી છે. દોઢ વર્ષના પ્રતિબંધ બાદ ટેસ્ટ ક્રિકેટમાં વાપસી કરનાર સ્ટીવ સ્મિથે સીરિઝની શરૂઆત બાદથી અત્યાર સુધી જોરદાર બેટિંગ કરી છે અને ઇંગ્લેન્ડના બોલરો પર પોતાનો દબદબો યથાવત રાખ્યો છે.
ઇંગ્લેન્ડની વિરુદ્ધ પહેલી ટેસ્ટની બે ઇનિંન્ગમાં સેન્ચ્યુરી ફટકાર્યા બાદ બીજી ટેસ્ટમાં હાફ સેન્ચ્યુરી લગાવનાર સ્મિથ બે દિવસ પહેલા જ આઇસીસીની ટેસ્ટ રેંકિંગમાં વિરાટને પછાડીને પહેલું સ્થાન પ્રાપ્ત કર્યું છે.
ઇજા બાદ ઇંગ્લેન્ડની વિરુદ્ધ ચોથી ટેસ્ટમાં વાપસી કરી રહેલ સ્મિથે પોતાનું જોરદાર ફોર્મ જારી રાખતા કરિયરની 26મી ટેસ્ટ સેન્ચ્યુરી ફટકારી છે અને વિરાટથી આગળ નિકળી ગયો છે. આ સાથે વર્લ્ડ ટેસ્ટ ચેમ્પિયનશિપમાં પણ એ ત્રણ સેન્ચ્યુરી સાથે હાલ સૌથી આગળ નિકળી ગયો છે.
સ્મિથે કરિયરની પોતાની 67મી ટેસ્ટમાં જ 26મી સેન્ચ્યુરી ફટકારી છે. એ દરમિયાન એની સરેરાશ પણ સર ડૉન બ્રેડમેન બાદ સૌથી સારી છે. એને 64 થી વધારેની સરેરાશથી રન બનાવ્યા છે. સ્મિથે સેન્ચ્યુરી મામલે વેસ્ટઇન્ડિઝના દિગ્ગજ સર ગૈરી સોબર્સની 26 ટેસ્ટ સેન્ચ્યુરીની બરાબરી પણ કરી લીધી છે.
સ્મિથની આ સીરિઝની ત્રીજી સેન્ચ્યુરી છે. આ પહેલા એને પહેલી ટેસ્ટમાં 144 અને 142 રન બનાવ્યા હતા. જ્યારે બીજી ટેસ્ટની પહેલી ઇનિંન્ગમાં 92 રન બનાવીને આઉટ થઇ ગયો હતો અને પછી ઘાયલ થવાના કારણે બીજી ઇનિંન્ગમાં બેટિંગ કરી શક્યો નહતો. ત્યારબાદ સ્મિથને ત્રીજી ટેસ્ટમાં આરામ આપવામાં આવ્યો હતો.